ट्याक्टरको ठक्करबाट बारामा मोटरसाइकल चालकको गयो ज्यान

वीरगञ्ज । बाराका जीतपुरसिमरा उपमहानगरपालिका, डुमरवाना–बडहर्वा सडकखण्डमा भएको दुर्घटनामा एक सेवानिवृत्त शिक्षकको मृत्यु भएको छ। मृतक केदारप्रसाद शर्मा रौतहटको संग्रामपुर घर भई हाल वडा नं. २, जीतपुरसिमरा उपमहानगर पालिका बस्ने ६१ वर्षीय थिए।

शर्मा प्र.०२–०३–०७ प २३४१ नम्बरको मोटरसाइकल चलाउँदै बडहर्वातर्फ जाँदै थिए। त्यहि दिशाबाट गुडिरहेको ना ७ त ५२२६ नम्बरको ट्याक्टरले ठक्कर दिँदा मोटरसाइकल अनियन्त्रित भई विपरित दिशाबाट आउँदै गरेको प्र.०२–०३–००१ त नम्बरको अर्को ट्याक्टरसँग ठोक्किएको थियो।

ठक्करबाट गम्भीर घाइते भएका शर्माको उपचारका क्रममा वीरगन्जस्थित मेडिसिटी अस्पतालमा मृत्यु भएको जिल्ला प्रहरी कार्यालय बाराका प्रहरी निरीक्षक सुरेश भट्ट ले जानकारी दिएका छन्।