४ वैशाख, (जीतपुर) बारा । बाराको जीतपुरस्थित गौशालाको नाममा रहेको सार्वजनिक जग्गालाई जीतपुरसिमरा उपमहानगरपालिकाले पूर्ण रूपमा खाली गराएको छ। लामो समयदेखि ६ लेन सडक नजिकै रहेको बहुमूल्य जग्गा ओगटेर बनाइएका अवैध संरचनाहरू नगरपालिकाले डोजर प्रयोग गरी हटाएको हो। उपमहानगरपालिकाले यसअघि नै सार्वजनिक सूचना जारी गर्दै वैशाख २ गतेसम्म अतिक्रमित संरचना हटाउन व्यवसायीहरूलाई समयसीमा (अल्टिमेटम) दिएको थियो। दिइएको समयभित्र केही व्यवसायीले स्वेच्छाले संरचना हटाए पनि अधिकांशले अटेरी गरेपछि नगरपालिकाको टोली बुधबार र बिहीबार डोजरसहित स्थलमा पुगेको थियो। नगरपालिकाको टोली डोजर लिएर पुगेपछि सुरुमा व्यवसायीहरूले सामान्य प्रतिकार गर्ने प्रयास गरेका थिए। तर, नगर प्रहरी, सशस्त्र प्रहरी र जनपद प्रहरीको ठूलो उपस्थित...