आइसिसी विश्वकप लिग-२: आज नेपाल र ओमान भिड्दै, छनोटका लागि जितको खोजी

बिरगंज, पर्सा, २ कार्तिक 

काठमाडौँ। आईसीसी क्रिकेट विश्वकप लिग-२ (ICC Cricket World Cup League 2) अन्तर्गत त्रिदेशीय एकदिवसीय शृङ्खलाको अन्तिम तथा निर्णायक खेलमा आज नेपालले घरेलु टोली ओमानको सामना गर्दैछ।  

अल अमेरत क्रिकेट ग्राउन्डमा हुने यस खेलमा जित हात पारे नेपाल शीर्ष ६ भित्र अटाउँदै आगामी चरणका लागि छनोट हुने सम्भावना बलियो बन्नेछ। नेपालका लागि आजको खेल अङ्क तालिकाका दृष्टिले निकै महत्त्वपूर्ण मानिएको छ।  

नेपालले आजको खेल विजयी भएमा प्रस्ट रूपमा अङ्क तालिकामा सुधार गर्दै छनौटको यात्रा तय गर्नेछ। यदि खेल बराबरीमा सकिएर १ अङ्क मात्र प्राप्त भए पनि नेपालको उत्कृष्ट नेट रनरेटका कारण छनोट हुने सम्भावना उच्च नै रहनेछ।

हाल अङ्क तालिकामा प्रतिस्पर्धात्मक स्थिति रहेकाले टोली उच्च मनोबलका साथ मैदान उत्रिँदैछ। यसअघिका खेलहरूमा उत्कृष्ट प्रदर्शन गरिसकेको नेपाली टोलीले आज ओमानविरुद्ध जित हासिल गर्ने रणनीतिका साथ मैदान प्रवेश गर्दैछ।  

खेल नेपाली समय अनुसार बिहान ११:१५ बजेदेखि सुरु हुनेछ।