पाकिस्तानमा अर्को चरणको इरान-अमेरिका वार्ता, उपराष्ट्रपति भेन्सको टोली आइपुग्दै

इस्लामावाद- अमेरिकी उपराष्ट्रपति जेडी भेन्स इरानसँगको वार्ताका लागि पाकिस्तानतिर लागेका छन् ।

बीबीसीको रिपोर्टअनुसार अमेरिकी उपराष्ट्रपति जेडी भेन्स सोमबार पाकिस्तानका लागि उडेका हुन् । यसअघि अमेरिकी राष्ट्रपति ट्रम्पले न्यूयोर्क पोस्टसँग कुराकानीका क्रममा वार्ताका लागि भेन्स पाकिस्तान नजाने बताएका थिए ।

जेडी भेन्स यसअघि ११-१२ अप्रिलमा पाकिस्तान पुगेका थिए। त्यहाँ उनले इरानसँग हुने वार्ताका क्रममा अमेरिकी प्रतिनिधिमण्डलको नेतृत्व गरेका थिए। तर त्यसबेला २१ घण्टासम्म चलेको वार्ता विफल भएको थियो ।

त्यसबेला करिब २१ घण्टा चलेको उक्त वार्ताबाट कुनै सहमति हुन सकेको थिएन। दुवै देशबीच इरानको परमाणु कार्यक्रम र होर्मुज स्ट्रेटको नियन्त्रणलाई लिएर अझै मतभेद कायम छ।