पर्सामा रास्वपाको क्लिन स्वीप : चारै क्षेत्रमा जित, १०७ मध्ये ९५ उम्मेदवारको जमानत जफत

वीरगञ्ज । फागुन २१ गते सम्पन्न प्रतिनिधिसभा सदस्य निर्वाचन २०८२ अन्तर्गत पर्सा जिल्लाको अन्तिम मतपरिणाम सार्वजनिक भएको छ। सार्वजनिक परिणामअनुसार जिल्लामा राष्ट्रिय स्वतन्त्र पार्टी (रास्वपा) ले चारै निर्वाचन क्षेत्रमा प्रत्यक्षतर्फ विजय हासिल गर्दै उल्लेखनीय सफलता प्राप्त गरेको छ। समानुपातिकतर्फ पनि रास्वपा पहिलो दल बन्न सफल भएको निर्वाचन आयोगले जनाएको छ।

जिल्लाभरका मतदाताको ठूलो हिस्सा रास्वपातर्फ आकर्षित भएपछि परम्परागत दलहरू कमजोर देखिएका छन्। चारवटै निर्वाचन क्षेत्रमा प्रतिस्पर्धा गरेका कुल १०७ उम्मेदवारमध्ये ९५ जनाको जमानत जफत भएको छ।

निर्वाचन आयोगका अनुसार सदर मतको १० प्रतिशतभन्दा कम मत ल्याउने उम्मेदवारको जमानत फिर्ता नहुने कानुनी प्रावधान अनुसार ती उम्मेदवारहरूको धरौटी रकम जफत भएको हो। यससँगै विभिन्न राजनीतिक दल तथा स्वतन्त्र उम्मेदवारहरूले मनोनयन दर्ताका क्रममा राखेको धरौटी रकम अब फिर्ता पाउने छैनन्।

पर्सा क्षेत्र नम्बर–२ मा तीन जनाले मात्र जोगाए जमानत

पर्सा निर्वाचन क्षेत्र नम्बर–२ मा कुल ३१ जना उम्मेदवार प्रतिस्पर्धामा उत्रिएका थिए। तीमध्ये केवल तीन जना उम्मेदवारले मात्र आफ्नो जमानत जोगाउन सफल भएका छन्।

यस क्षेत्रमा रास्वपाका सुशील कुमार कानु विजयी भएका छन्। उनले ३० हजार ४७० मत प्राप्त गरेका छन्।

त्यस्तै,

नेपाली कांग्रेसका अजयकुमार चौरसिया – १९ हजार ८१० मत

नेकपा (एमाले) की रीमा कुमारी यादव – ११ हजार ६०५ मत

प्राप्त गर्दै जमानत जोगाउन सफल भएका छन्।

तर अन्य २८ जना उम्मेदवारले १० प्रतिशतभन्दा कम मत ल्याएपछि जमानत जफत भएको छ।

प्रभावशाली नेताहरूको पनि जमानत जफत

यस क्षेत्रमा जमानत जफत हुनेमध्ये केही चर्चित नामहरू पनि रहेका छन्।

जनता समाजवादी पार्टी (जसपा) नेपालका उम्मेदवार अशोक कुमार टेमानीले केवल २ हजार ६४२ मत मात्र प्राप्त गरेका छन्। टेमानी वीरगञ्ज उद्योग वाणिज्य संघका पूर्व अध्यक्ष तथा नेपाल उद्योग वाणिज्य महासंघका वर्तमान अध्यक्ष समेत हुन्।

त्यस्तै,

राष्ट्रिय प्रजातन्त्र पार्टी (राप्रपा) की बिना जयसवाल – १ हजार ९९९ मत

(उनी यसअघि समानुपातिक सांसद थिइन्।)

नेकपाका उम्मेदवार प्रहरी हिरासतमा

नेपाल कम्युनिस्ट पार्टी (नेकपा) का उम्मेदवार मनोज कुमार चौधरीले ९२३ मत प्राप्त गरेका छन्। निर्वाचनको पूर्वसन्ध्यामा उनको सवार गाडीबाट शंकास्पद सामग्री फेला परेपछि प्रहरीले उनलाई नियन्त्रणमा लिएको थियो। उनी अहिले पनि प्रहरी हिरासतमा रहेको जानकारी प्राप्त भएको छ।

अन्य उम्मेदवारको मत परिणाम

अन्य उम्मेदवारहरूको मतपरिणाम यस प्रकार रहेको छः

प्रगतिशील लोकतान्त्रिक पार्टीका अमिताभ बच्चन दास तत्मा – ३३० मत

जनमत पार्टीका श्याम प्रसाद गुप्ता – २२८ मत

आम जनता पार्टीकी रन्जु कुमारी साह – २०३ मत

नेपाल जनता पार्टीका सन्तोष कुमार पटेल – १८७ मत

उज्यालो नेपाल पार्टीका कृष्णा मुरारी प्रजापति – १४८ मत

स्वतन्त्र उम्मेदवार लक्ष्मी नारायण गुप्ता – १०० मत

श्रम संस्कृति पार्टीका पुन्देश्वर प्रसाद यादव – ८३ मत

स्वतन्त्र उम्मेदवार शिव बचन ठाकुर लोहार – ६३ मत

जन अधिकार पार्टीका देव शंकर यादव – ३० मत

जय मातृभूमि पार्टीका वीरेन्द्र प्रसाद – २१ मत

स्वतन्त्र उम्मेदवार उमेश प्रसाद सह तेली – १७ मत

रवीन्द्र कुमार चौधरी – १६ मत

नेपाल लोकतान्त्रिक पार्टीका विकास कुमार साह – २२ मत

त्यसैगरी साना मत ल्याउने उम्मेदवारहरूमा—

सन्तोष महतो – १२

राकेश कुमार सहनी – १०

किशोरी प्रसाद यादव – ९

मनोज साह कानु – ७

नेपाल मजदुर किसान पार्टीका उमेश कुशवाहा – ५

कृष्णा कुमार गिरी – ५

महेश महतो धानुक – ५

किसमती देवी – ३

साहेब प्रसाद राम – ३

रामनरेश प्रसाद चौरसिया – २

रोशन प्रसाद अहिर – १ मत

मतदान विवरण

पर्सा निर्वाचन क्षेत्र नम्बर–१ मा कुल ९५ हजार १२० मतदाता रहेकोमा ६५ हजार ८७८ जनाले मतदान गरेका थिए। खसेको मतमध्ये ६१ हजार ३१० मत सदर भएको निर्वाचन आयोगले जनाएको छ।

राजनीतिक सन्देश

यस निर्वाचन परिणामले पर्सा जिल्लामा नयाँ राजनीतिक परिवर्तनको संकेत गरेको विश्लेषण गरिएको छ। मतदाताहरूले परम्परागत दलभन्दा नयाँ शक्तिलाई समर्थन गरेको देखिएको छ।

राजनीतिक विश्लेषकहरूका अनुसार यस परिणामले आगामी स्थानीय तह, प्रदेश तथा संघीय निर्वाचनहरूमा पनि प्रभाव पार्ने सम्भावना देखिएको छ।