वीरगञ्जमा चार लाख ११ हजार रुपैयाँका चोरीका गरगहनासहित महिला पक्राउ

बिरगंज, पर्सा, ३ कार्तिक 

वीरगञ्ज। वीरगञ्जबाट चार लाख ११ हजार रुपैयाँ बराबरका चोरीका गरगहनासहित एक महिलालाई प्रहरीले पक्राउ गरेको छ।

जिल्ला प्रहरी कार्यालय पर्साका प्रहरी नायब उपरीक्षक (डीएसपी) चक्रबहादुर मल्लका अनुसार वीरगञ्ज महानगरपालिका–६ स्थित गहवामाई मन्दिर नजिकै रहेको हर्ष ज्वेलर्सबाट चोरी भएका गरगहना ती महिलाको साथबाट बरामद गरिएको हो।

प्रहरीले पक्राउ परेकी महिलाको साथबाट एक तोलाको सुनको सिक्री र दुई तोला चाँदीका पाँच सेट पायल बरामद गरेको जनाएको छ।

बरामद गरिएका गरगहनासहित महिलालाई नियन्त्रणमा लिएर प्रहरीले घटनाबारे थप अनुसन्धान अघि बढाएको छ। चोरीमा महिलाको संलग्नता तथा घटनासँग सम्बन्धित अन्य पक्षबारे प्रहरीले अनुसन्धान गरिरहेको जनाएको छ।