गहवामाई डोली यात्रामा आचार्य एकेडेमीद्वारा जुस तथा शीतल पानी वितरण

वीरगञ्ज १३चैत्र पर्सा !

#आचार्य एकेडेमी प्रगतिनगर, वीरगञ्ज–३ द्वारा गवामाई डोली यात्राको अवसरमा सहभागी भक्तजन तथा यात्रुहरूलाई *जुस तथा शीतल पानी वितरण कार्यक्रम* सफलतापूर्वक सम्पन्न गरको छ।धार्मिक तथा सामाजिक सद्भावलाई सुदृढ बनाउने उद्देश्यले आयोजित उक्त कार्यक्रममा विद्यालय परिवारको सक्रिय सहभागिता रहेको थियो। गहवामाई डोली यात्रामा सहभागी सर्वसाधारणलाई जुस तथा शीतल पानी वितरण गरी सेवा प्रदान गरिएको थियो।

विद्यालयका प्रधानाध्यापक मो. सगीर अलीले यस प्रकारका सामाजिक तथा मानवीय सेवामूलक कार्यक्रमहरूले समाजमा एकता, सद्भाव र सहयोगको भावना अभिवृद्धि गर्ने बताउनुभयो। उहाँले विद्यालय केवल शैक्षिक संस्था मात्र नभई सामाजिक उत्तरदायित्व वहन गर्ने संस्थाको रूपमा पनि अघि बढिरहेको उल्लेख गर्नुभयो।उक्त कार्यक्रममा विद्यालयका शिक्षक-शिक्षिका कर्मचारी विद्यार्थी , तथा सहयोगी व्यक्तिहरूको उल्लेखनीय सहभागिता रहेको थियो। स्थानीयवासी तथा यात्रुहरूले विद्यालयको यस सेवामूलक कार्यको प्रशंसा गरेका हुन।

आचार्य एकेडेमीले आगामी दिनहरूमा पनि यस्ता *धार्मिक, सामाजिक तथा जनसेवामूलक कार्यक्रमहरू मा निरन्तर सहभागिता जनाउने जनाएको छ।