विद्यार्थीहरूलाई लागुऔषध विरुद्ध सचेतनामूलक प्रशिक्षण

वीरगंज–१६, पर्सा: वडा प्रहरी कार्यालय विर्ताले कञ्चनजङ्घा इङ्ग्लिस स्कूलका कक्षा ८ र ९ का विद्यार्थीहरूलाई लागुऔषध दुरुपयोग विरुद्ध सचेतनामूलक प्रशिक्षण प्रदान गरेको छ।

वडा प्रहरी कार्यालय विर्ताका कार्यालय प्रमुख प्र.नि. विक्रम सुवेदीको नेतृत्वमा आयोजित कार्यक्रममा विद्यार्थीहरूलाई लागुऔषधको हानिकारक प्रभाव र यसबाट जोगिन आवश्यक सावधानीका बारेमा जानकारी दिइएको थियो।

कार्यक्रममा विद्यार्थीहरू सक्रिय सहभागी भए र शिक्षकहरूले पनि प्रशिक्षणको महत्वबारे सकारात्मक प्रतिक्रिया दिएका छन्। वडा प्रहरी कार्यालयले यस प्रकारका सचेतनामूलक कार्यक्रमहरू नियमित रूपमा सञ्चालन गर्ने जनाएको छ।