पर्सा जिल्लाको तस्करी नियन्त्रण गर्न एसपी देखी क्राइम टोली समेत अहोरात्र खटेर सिमा नाकाबाट हुने तस्करी जस्तो अपराधीक गतिविधि नियन्त्रण गर्न पटक पटक निर्देशन दिएपनि आफ्नो मनपरि ढंगले केही चौकी इन्चार्ज लुकिछिपी तस्करीको लाइन खुलाउन जुटेका छन्। 

पर्सा जिल्लाका एसपी पाठकले आज सम्म ९ महिनाको मेहनत र सफलताको श्रेय आफ्नै यूनिट का ईन्चार्ज सिपाही हवलदार लाई दिने गरेपनि केहियस्ता चौकी इन्चार्ज एसपी पाठकको चरित्रमाथि षडयन्त्र पूर्वक धबा लगाउने काम गर्ने गरेका छन्। 

अहिले अलौ नाकामा स्थानियले गरिखाने गरी ५ किलो देखि १० किलो चिनी मैदा आलु प्याज ल्याउने गरेको जो कोइ ले पनि प्रष्ट अलौ नाकामा गएर देख्न सकिनेछ।

अलौ नाकाबाट चार जनाकोे खैनी सुर्ती तस्करी गर्ने पनि स्रोतले जनाएको छ । भारत मा पर्ने खैनी सुर्ती एक हजार भारतिय रकमको खरीद गरी अलौ नाकाकोे माध्यम र यी नाका बाट तस्करी गरी वीरगञ्ज र जीतपुर सम्म पुर्याउँदा किलोको पाँच हजार मूल्यमा खैनी सुर्ती बिक्री वितरण हुने गरेको छ। 

तर स्थानीय कोे गरिखाने वस्तुको बीचमा मौका छोपी चौकी इन्चार्ज र सशस्त्र कोे मिलोमतोमा बारा र पर्साबाट काम गर्ने कुख्यात नाम कमाएका तस्कर बिनय जसले हार्डवेयरकोे नाम मा ट्रक , बस् कोे इन्जन , गियर बक्स, सापट, एक्सेल, लगायत अन्य थुप्रै सामान भारत बाट नेपाल भित्रियाउने गरेकोे र अलौ कोे कोनीया नाका रोजेका छन्। हिजो शनिबार कोे दिन बिचौलियाको माध्यमले बिनय चौकी इन्चार्ज सँग गएर भेटघाट गरेकोे चौकीको एक प्रहरीले नाम उल्लेख न गराउने सर्तमा जानकारी गराएका हुन्। 

वर्षमा ६ महिना अलौ र खल्वा सिर्सियाकोे बाटो प्रयोग गर्ने गर्दछ भने ६ महिना बारा जिल्लाकोे अनेकौ नाका बाट आफ्नो तस्करी निरन्तर रूपमा चलाउने गरेका छन्। अहिले पर्सा जिल्लाको नाकामा थप कडाइ र यस्तो अपराधीक र तस्करी जस्तो क्रियाकलापमा संलग्न हुने लाई कार्वाही हुने एसपी पाठकको ठाडो निर्देशन रहेको छ। 

यी तस्करहरुको पटकपटक समाचार प्रकाशन हुँदा पनि केही फरक पर्दैन। कहिले पर्सा जिल्लामा त कहिले बारा जिल्लामा तर यी विनयको तस्करी साम्राज्य दैनिकी चल्दै आएको छ। 

सिराहा । मधेस प्रदेश स्थित जिल्ला प्रशासन कार्यालय सिराहाले परीक्षाका क्रममा जफत गरिएका करिब ५०० थान मोबाइल फोन र स्मार्ट घडी पानीमा डुबाएर नष्ट गरेपछि विद्यार्थीहरू आन्दोलित भएका छन। गत चैतमा सम्पन्न एसइई र वैशाखमा सम्पन्न कक्षा १२ को परीक्षाका क्रममा विभिन्न परीक्षा केन्द्रबाट बरामद गरिएका ती उपकरणहरूलाई प्रशासनले हालै काम नलाग्ने गरी नष्ट गरेको हो । जफत गरिएका सामग्रीहरूमा ७ थान आईफोन, ४८९ थान विभिन्न कम्पनीका एन्ड्रोइड फोन र ५ थान स्मार्ट घडी रहेका थिए, जसको अनुमानित बजार मूल्य १ करोड रुपैयाँभन्दा बढी रहेको बताइएको छ । 

प्रशासनको यो कदमलाई लिएर चौतर्फी आलोचना भइरहेका बेला संयुक्त विद्यार्थी संगठनले कडा विरोधको कार्यक्रम सार्वजनिक गरेको छ । संगठनले ‘विद्यार्थीलाई क्षतिपूर्ति दे सरकार’ भन्ने मुख्य मागसहित आगामी जेठ २५ गते सोमबार दिउँसो १२ बजे जिल्ला प्रशासन कार्यालय सिराहामा विरोध प्रदर्शन गर्ने घोषणा गरेको हो । विद्यार्थीको सम्पत्तिमाथि दमन गरिएको र विना कुनै कानुनी आधार करोडौँको सम्पत्ति नष्ट गरिएको भन्दै विद्यार्थी संगठनहरूले न्याय र उचित क्षतिपूर्तिको सुनिश्चितता नभएसम्म आन्दोलन नरोक्ने चेतावनी दिएका छन् ।

रसुवा- रसुवा प्रहरीले १९ लाख ५२ हजार १०० रुपैयाँ नगदसहित एक जनालाई हुण्डी कारोबारको आशंकामा पक्राउ गरेको छ।

जिल्ला प्रहरी कार्यालय रसुवाका अनुसार गोसाइँकुण्ड गाउँपालिका–६ धुन्चे बजारमा नियमित सवारी तथा यात्रु चेकजाँचका क्रममा उक्त रकम बरामद गरिएको हो।

शनिबार अस्थायी प्रहरी पोष्ट धुन्चेबाट खटिएको प्रहरी टोलीले काठमाडौंतर्फ जाँदै गरेको ना १ ज ४८७० नम्बरको सुमो गाडी रोकी जाँच गर्दा गाडीमा सवार गोसाइँकुण्ड गाउँपालिका–३ निवासी ३५ वर्षीय मिङमार छिरिङ गुरुङको साथबाट ठूलो परिमाणमा नगद फेला पारेको थियो।

प्रहरीका अनुसार गुरुङले बोकेको झोलाभित्र एक हजार दरका १ हजार ८७५ थान, पाँच सय दरका २१३ थान तथा एक सय दरका ६० थान नोट बरामद भएको छ। बरामद नगदको कुल मूल्य १९ लाख ५२ हजार १०० रुपैयाँ रहेको बताइएको छ।

प्रहरीले बरामद रकमको वैध स्रोत पुष्टि हुन नसकेको र हुण्डी कारोबारमा प्रयोग भएको हुन सक्ने आशंकामा गुरुङलाई नगदसहित नियन्त्रणमा लिएको जनाएको छ।

घटनाबारे थप अनुसन्धानका लागि रसुवा जिल्ला अदालतबाट सात दिनको म्याद थप अनुमति लिई अनुसन्धान प्रक्रिया अगाडि बढाइएको जिल्ला प्रहरी कार्यालय रसुवाले जनाएको छ।

बीरगंज, २४ जेठ । जिल्ला प्रहरी कार्यालय, पर्सा ले विशेष सूचनाको आधारमा आज बिहान करिब ०७:०० बजेको समयमा कर्तव्य ज्यान मुद्दा का एक जना फरार प्रतिवादीलाई आफ्नो नियन्त्रणमा लिएको छ ।पर्सा

प्रहरीका प्रवक्ता प्रहरी नायब उपरीक्षक हरि बहादुर बस्नेत का अनुसार २५ वर्ष पहिले अर्थात् मिति २०५८ साल फागुन २६ गते बिहान करिब ०८:०० बजेको समयमा पर्सा जिल्लाको साविक धोरे वडा नं. ०८ हाल परिवर्तित पकाहा मैनपुर गाउँपालिका वडा नं. ०१ बस्ने वर्ष २६ की रावडी भन्ने रीना देवीलाई घरायसी वाद-विवादका कारण घाँटी थिची कर्तव्य गरी मारी वारदात पश्चात् प्रतिवाद हाल सम्म फरार रहेको थियो ।

फरार प्रतिवादीलाई त्यहाँ बाट खटिएको प्रहरी टोलीले पर्सा जिल्ला कै साविक गा.वि.स. धोरे वडा नं. ०८ हाल पकाहामैनपुर गाउँपालिका वडा नं. ०१ बस्ने वर्ष ५० को काशी महतो चाई भन्ने काशी प्रसाद चौहानलाई आफ्नै घर ठेगानामा लुकिछिपि बस्दै आएको स्थान बाट आईतबार पक्राउ गरी कर्तव्य ज्यान सम्बन्धि कसूर मुद्दामा पर्सा जिल्ला अदालत बाट तीन दिनको म्याद थप अनुमति लिइ अनुसन्धान कार्य भइरहेको छ ।