काठमाडौं । राष्ट्रिय स्वतन्त्र पार्टी (रास्वपा) का सांसद अमरेशकुमार सिंहले आफूलाई कुनै पनि पदको लोभ नरहेको बताएका छन्।

कान्तिपुरसँगको अन्तर्वार्तामा सिंहले आफूले विगतमा महत्वपूर्ण सरकारी जिम्मेवारी सम्हाल्ने अवसर आए पनि सिद्धान्त र आफ्नो अडानका कारण स्वीकार नगरेको बताएका हुन्।

सिंहका अनुसार २०६३ सालमा तत्कालीन प्रधानमन्त्री गिरिजाप्रसाद कोइरालाले उनलाई गृहमन्त्री बन्न प्रस्ताव गरेका थिए। तर, मधेश आन्दोलनको समय गृह प्रशासनको जिम्मेवारी सम्हाल्दा आउन सक्ने चुनौती र परिस्थितिलाई ध्यानमा राख्दै आफूले उक्त प्रस्ताव अस्वीकार गरेको उनले बताए।

त्यस्तै, पछि सुशील कोइराला प्रधानमन्त्री रहेका बेला आफूलाई सञ्चारमन्त्री बन्न प्रस्ताव आएको भए पनि सिद्धान्त र आफ्नो अडानका कारण उक्त जिम्मेवारी स्वीकार नगरेको सिंहको भनाइ छ।

सिंहले आफू राजनीतिक जीवनमा कहिल्यै शक्ति र पदको पछाडि नलागेको दाबी गरेका छन्। उनका अनुसार पदभन्दा आफ्नो राजनीतिक धारणा, सिद्धान्त र अडानलाई प्राथमिकता दिँदै आएका छन्।

उनको यो अभिव्यक्ति पछिल्लो समय राजनीतिमा पद तथा जिम्मेवारीका विषयमा हुने बहसबीच आएको हो।

काठमाडौं । सांसद हर्क साम्पाङले नेपाल निर्माणका लागि श्रम संस्कृतिको विकास आवश्यक रहेको बताएका छन्।

उनले श्रमलाई प्राथमिकता नदिएसम्म देशको विकास सम्भव नहुने धारणा राख्दै नागरिकमा काम गर्ने जाँगर, क्षमता र चाहना आवश्यक रहेको बताएका हुन्।

साम्पाङले भने, “जबसम्म श्रम संस्कृतिले यो देश चलाउँदैन, देश बनेछ भने कानै काटेर फाल्छु। बुझ्नुभयो नि ?”

उनले देशमा विकास हुन नसक्नुमा ‘बन्दैन, गर्दैन, सक्दैन, जान्दैन, चाहँदैन’ जस्ता मानसिकता पनि जिम्मेवार रहेको बताए।

“चाहना छैन, क्षमता छैन... गर्ने तरिका थाहा छैन। जाँगर पनि हुनुपर्‍यो नि त। जाँगर न सागर, खाने बेलामा ‘आँ गर’ भनेर हुन्छ ?” उनले भने।

साम्पाङले देश विकासका लागि नागरिकस्तरबाटै श्रम, मेहनत र काम गर्ने संस्कृतिको विकास हुनुपर्नेमा जोड दिएका छन्।

रौतहट १३ असोज 

रौतहटको यमुनामाई गाउँपालिकामा दिउँसोको दुई बजेर १२ मिनेटमा कुनै पनी कोठामा कुनै कर्मचारी उपस्थित न रहेको भिडियो मार्फत् यस संस्थाको एक रिपोर्टरले जानकारी गराएका छन्।

प्रशासन शाखा , योजना शाखामा एउटा पनी कर्मचारी उपस्थित छैनन तर कोठाको बल्ब, सिलिङ पंखा, स्ट्यान्ड पंखा बिना काम को चल्दै गरेकोे भिडियोमा प्रस्ट देखिएको छ। 

दुई बजे पछी हुन सक्छकी कर्मचारी खाजा खान गएका होलान वा अन्य कुनै काम विशेषले उपस्थित छैनन तर कम्तीमा यी बिना कामका बल्दै गरेको बल्ब, चल्दै गरेकोे पंखा निभाएर पनी कतै जान सकिन्छ। 

यो सदुपयोग होकी दुरपयोग जनता आफै मूल्यांकन गर्न सक्छन्। एउटै कोठामा दुइटा तिनवटा पंखा चलाउनु कर्मचारीको लागी सुखद अवसरहो की जति गर्मी बढेपनि कर्मचारी राम्ररी काम गर्छन् तर जनताको लागी दुःखद हो। तर त्यही कर्मचारीले कोठा बाहिर जादा किन निभाउँदैनन् पंखा र बल्ब?

त्यही कार्यालयमा आम सर्वसाधारण जनता आफ्नो काम गराउन जादा घाममा उभिने, बस्ने ठाउँमा एउटा पनी पंखाको सुबिधा हुँदैन तर हरेक कर्मचारीको लागी छुटा छुटै पंखा त्योपनि एउटै कोठामा। 

जनताको करबाट तलब पाउने कर्मचारी, बिजुली महसुल पनी तिर्ने के हाम्रा देशका हरेक स्थानीय तहमा रहेको पालिका, गाउँपालिका, नगरपालिका, महा नगरपालिका का हरेक कर्मचारीको ले बिना कारण चल्ने पंखा र बल्ब निभायो भने सायद विद्युत खपत पनी कम हुन्छ। पालिकामा संकलन गरिएको राजस्व पनि जोगिन्छ।

यस विषयमा गाउँपालिका अध्यक्ष र सम्बन्धित निकायले ध्यान पुर्याउन आवश्यक रहेको बुझिन्छ। 

काठमाडौं । नेपालका लागि भारतीय राजदूत नवीन श्रीवास्तवले प्रधानमन्त्री वालेन्द्र शाहसँग विदाई भेट गर्नुभएको छ।

नेपालका लागि आफ्नो राजदूतको कार्यकाल पूरा गरी स्वदेश फर्किन लाग्नुभएका श्रीवास्तवले मंगलबार बिहान प्रधानमन्त्री तथा मन्त्रिपरिषद्को कार्यालय पुगेर प्रधानमन्त्री शाहसँग भेटवार्ता गर्नुभएको हो।

भेटका क्रममा नेपाल–भारतबीचको आपसी सम्बन्ध, सहकार्य तथा आगामी दिनमा दुई देशबीचको सम्बन्धलाई थप सुदृढ बनाउने विषयमा छलफल भएको बताइएको छ।

राजदूत श्रीवास्तवले नेपालमा आफ्नो कार्यकाल पूरा गरी स्वदेश फर्किनुअघि प्रधानमन्त्री शाहसँग विदाई भेट गर्नुभएको हो।

भारत सरकारले नेपालका लागि नयाँ राजदूत नियुक्त गरेपछि श्रीवास्तव आफ्नो कार्यकाल पूरा गरी फर्किन लाग्नुभएको हो।