वीरगंज, २६ चैत –

पूर्वप्रधानमन्त्री शेरबहादुर देउवाले आफू र आफ्नो परिवारलाई लक्षित गरी सम्पत्तिसम्बन्धी विषयमा झुटो र भ्रामक प्रचार भइरहेको बताएका छन्।

सम्पत्ति शुद्धीकरणसम्बन्धी अनुसन्धानका सन्दर्भमा पक्राउ पुर्जी जारी भएको खबरपछि सामाजिक सञ्जालमार्फत प्रतिक्रिया दिँदै देउवाले कानुनअनुसार आफूले सम्पत्तिको विवरण सम्बन्धित निकायमा पेश गरिसकेको उल्लेख गरेका छन्।

उनले लोकतन्त्र, विधिको शासन र पारदर्शिताका लागि आफूले लामो समयदेखि संघर्ष गरेको स्मरण गराउँदै आफ्नो सार्वजनिक जीवन पारदर्शी रहेको दाबी गरेका छन्। साथै, भ्रष्टाचार नियन्त्रणका लागि कानुनी व्यवस्था निर्माणमा पनि आफ्नो भूमिका रहेको बताएका छन्।

देउवाले फैलाइएका सूचनामा अतिरञ्जना भएको दाबी गर्दै यस्ता विवरणबाट भ्रममा नपर्न सबैलाई आग्रह गरेका छन्।

काठमाडौं । पूर्व प्रधानमन्त्री एवम् नेकपा एमालेका अध्यक्ष केपी शर्मा ओली आज रिहा हुने भएका छन् ।

 प्रहरीले उनलाई जिम्मा जमानीमा छाड्ने तयारी गरेको छ । सर्वोच्चको आदेश अनुसार सरकारी वकिलको कार्यालयबाट जिम्मा जमानीमा छाड्ने भनेर कागज आइसकेकाले अब छाड्ने प्रक्रिया अघि बढाइएको हो ।काठमाडौं प्रहरी परिसरका एसएसपी रमेश थापाले ओलीलाई छाड्ने प्रक्रिया अघि बढाइएको अनलाइनखबरलाई जानकारी दिए ।

जेनजी आन्दोलनमा दमन गरेको आरोपमा प्रहरीले उनलाई चैत १४ गते गुण्डु निवासबाट पक्राउ गरेको थियो । जटिल स्वास्थ्य अवस्थाका कारण उनी त्रिवि शिक्षण अस्पतालमा बसेका थिए ।  त्यसलगत्तै ओलीकी पत्नी राधिका र लेखककी पत्नी यशोदाले आफ्ना पतिलाई गैरकानूनी हिरासतमा राखिएको भन्दै सर्वोच्च अदालतमा बन्दीप्रत्यक्षीकरणको निवेदन दिएका थिए ।

सर्वोच्च अदालतले चैत २३ गते बेलुका पूर्वप्रधानमन्त्री केपी शर्मा ओली र तत्कालीन गृहमन्त्री रमेश लेखकमाथिको अनुसन्धान २६ चैत  बिहीबारभित्र टुंग्याउन आदेश दिएको थियो ।

सर्वोच्चले बिहीबारसम्म पनि अनुसन्धान टुंगिन नसकेमा उनीहरुलाई शर्तसहित छाड्न आदेश दिएको थियो । सँगसँगै ओली र लेखकको हिरासतलाई कानूनसम्मत ठान्दै बन्दी प्रत्यक्षीकरणको आदेश जारी गर्न भने अस्विकार गरेको थियो ।

काठमाडौँ, २४ चैतः ललितपुरको थसीखेलमा ट्रकको ठक्करबाट मोटरसाइकलमा सवार

दुई जनाको मृत्यु भएको छ ।

ललितपुर महानगरपालिका–१४ थसीखेलस्थित सडकमा मधेस प्रदेश ०३–००१ ख ८०६८

नम्बरको ट्रकले एएए ३५४२ नम्बरको मोटरसाइकललाई आज दिउँसो ठक्कर दिँदा

मोटरसाइकलमा सवार दुई जनाको मृत्यु भएको छ ।

मृत्यु हुनेमा मोटरसाइकल चालक ललितपुर महानगरपालिका–२ सानेपा बस्ने सुनसरी

घर भएका ६५ वर्षीय विदुर गुरुङ र मोटरसाइकलमा सवार उहाँकै आमा ८५ वर्षीया

धनमाया गुरुङ रहेका छन् ।

दुर्घटनामा गम्भीर घाइते भएका उनीहरुको अल्का अस्पतालमा उपचारका क्रममा

मृत्यु भएको प्रहरी केन्द्रीय समाचार कक्ष नक्सालले जनाएको छ । ठक्कर दिने

ट्रक चालकलाई प्रहरीले नियन्त्रणमा लिएर अनुसन्धान गरिरहेको छ ।

चैत २४ गते ,मंगलबार ।

महोत्तरी जिल्लाको जलेश्वर–बर्दिबास सडकखण्ड अन्तर्गत एकडारा गाउँपालिका–५ स्थित बथनाहा गाउँमा आज बिहान भएको भीषण सडक दुर्घटनामा तीन जना विद्यार्थीको जलेर मृत्यु भएको छ।

विपरीत दिशाबाट आइरहेका दुई वटा मोटरसाइकल आपसमा ठोक्किँदा अचानक आगलागी भएको प्रहरीले जनाएको छ। आगलागी यति तीव्र भएको थियो कि दुवै मोटरसाइकल पूर्ण रूपमा जलेर नष्ट भएका छन् भने नम्बर प्लेटसमेत पहिचान गर्न नसकिने अवस्थामा पुगेको छ।

दुर्घटनामा परी तीन विद्यार्थीको घटनास्थलमै जलेर मृत्यु भएको जिल्ला प्रहरी कार्यालय महोत्तरीका प्रहरी नायब उपरीक्षक शैलेन्द्र भट्टले जानकारी दिएका छन्। मृतकहरू एसईई परीक्षा दिएर घर फर्किने क्रममा रहेको प्रारम्भिक जानकारी प्राप्त भएको छ।

उक्त दुर्घटनामा थप तीन जना गम्भीर घाइते भएका छन्। घाइतेहरूको जलेश्वरस्थित प्रादेशिक अस्पतालमा उपचार भइरहेको छ। प्रहरीका अनुसार घाइतेमध्ये दुई जनाको अवस्था गम्भीर र एक जनाको अवस्था मध्यम रहेको छ।

हालसम्म मृतक तथा घाइतेहरूको नाम, थर र ठेगाना खुल्न सकेको छैन। प्रहरीले घटनाको थप अनुसन्धान गरिरहेको जनाईएको छ ।