बीरगंज। पर्सा 

आज पर्सा जिल्ला को बीरगंज मालपोतमा प्रमुख जिल्ला अधिकारी कोे छड्के अनुगमन भएपछि दलाल र बिचौलियाको डरत्रास सँगै भागमभाग कोे अवस्था श्रृजना भएको छ। 

मालपोतमा आम सर्वसाधारण आफ्नो जमिनको अनेकौं काम हरु गराउन मालपोत पुग्दा सर्वसधारण जनता जति दौडधुप गर्दा पनि छिटो काम न हुने भएको सम्पूर्ण सर्वसधारण जनता लाई अवगत नै छ। 

तर त्यही ठाउँमा छिटो काम गराई दिन्छु भन्दै थुप्रै बिचौलिया हरु मालपोत परिसरमा सक्रिय रहेका छन्। उनीहरूको हरेक फाँटमा पहिचान र राम्रो कमिसनको सेटिङ पनि रहेको स्रोत ले जानकारी गराएका छन। 

अहिले गठन भएको नयाँ सरकार कोे नयाँ नीति अनुसार यस्ता अपराधिक क्रियाकलाप मा संलग्न रहेका व्यक्तिहरूलाई पर्सा प्रमुख जिल्ला अधिकारी आज आफैं मालपोत पुगी अनुगमन तथा ठाडो निर्देशन दिएका छन्। 

वीरगञ्ज, पर्सा — विश्वविद्यालयभित्रै एक कर्मचारीद्वारा छात्रामाथि यौन सम्बन्धका लागि दबाब, प्रलोभन र धम्की दिइएको गम्भीर घटना सार्वजनिक भएपछि शैक्षिक क्षेत्र स्तब्ध बनेको छ। घटनामा संलग्न कर्मचारी राजु गद्दीलाई प्रहरीले पक्राउ गरी अनुसन्धान अघि बढाएको छ।

‘सहयोग’ बाट सुरु, दुर्व्यवहारमा परिणत

पीडित छात्रा (नाम परिवर्तन: रुबिना) का अनुसार स्वागत कार्यक्रमकै दिन गद्दीले सहयोग गर्ने भन्दै उनलाई मोटरसाइकलमा कार्यक्रमस्थलसम्म पुर्‍याएका थिए। सोही क्रममा व्यक्तिगत जानकारी लिँदै मोबाइल नम्बर लिएका थिए।

त्यसपछि सुरु भएको सम्पर्क क्रमशः फोन र ह्वाट्सएपमार्फत अश्लील सन्देश र अनैतिक प्रस्तावमा बदलिएको पीडितको भनाइ छ।

अस्वीकारपछि धम्कीको श्रृंखला

छात्राले प्रस्ताव अस्वीकार गरी नम्बर ब्लक गरेपछि गद्दीले आफ्नो पदको दुरुपयोग गर्दै दबाब दिन थाले।

उजुरीअनुसार उनले भनेका थिए—

“नमान्यौ भने परीक्षामा मार्क्स घटाइदिन्छु, मान्यौ भने स्कलरसिप मिलाइदिन्छु।”

लगातारको मानसिक तनाव र भविष्य बिगार्ने धम्कीपछि पीडितले सम्बन्धित निकायमा उजुरी दिएकी थिइन्।

फरार हुँदै लुके, अन्ततः प्रहरी नियन्त्रणमा

उजुरी परेपछि गद्दी फरार भएका थिए। मोबाइल बन्द गरेर लुकेर बसेका उनलाई खोजी गर्दै जिल्ला प्रहरी कार्यालय पर्साले नियन्त्रणमा लिएको हो।

प्रहरीका अनुसार घटनाबारे थप अनुसन्धान भइरहेको छ र कानुनी कारबाही प्रक्रिया अघि बढाइएको छ।

थप घटना जोडिन सक्ने आशंका

स्रोतका अनुसार उनीबाट अन्य छात्राहरू पनि पीडित हुन सक्ने आशंका गरिएको छ। यता, उनलाई जोगाउन केही व्यक्तिहरू सक्रिय रहेको चर्चा समेत चलिरहेको छ।

कडा कारबाहीको माग

यस घटनापछि शैक्षिक संस्थाभित्र हुने यस्ता दुव्र्यवहार रोक्न कडा निगरानी र कडा कानुनी कारबाहीको माग चुलिएको छ।

विद्यार्थीहरूका अनुसार विश्वविद्यालयजस्तो संवेदनशील स्थानमा सुरक्षा र सम्मान सुनिश्चित गर्नु अहिलेको प्रमुख आवश्यकता बनेको छ।

काठमाडौं,१७ चैत । जेनजी आन्दोलनसँग सम्बन्धित घटनामा संलग्नता आरोपमा काठमाडौँका पूर्व प्रमुख जिल्ला अधिकारी (सीडीओ) छवि रिजाल लाई प्रहरीले पक्राउ गरेको छ।

प्रहरीका अनुसार उनलाई काठमाडौंको सुविधानगर क्षेत्रबाट नियन्त्रणमा लिइएको हो। जेनजी आन्दोलनका क्रममा भएको घटनाबारे छानबिन गर्न गठन गरिएको उच्चस्तरीय जाँचबुझ आयोगले रिजाललाई दोषी ठहर गर्दै मुद्दा चलाउन सिफारिस गरेको थियो।

भदौ २३ र २४ गते काठमाडौँको बानेश्वर क्षेत्रमा भएको प्रदर्शनका क्रममा गोली चलाउँदा किशोरहरूको ज्यान गएको घटनामा रिजालमाथि आदेश दिएको आरोप लाग्दै आएको छ। सो समयमा उनी काठमाडौँका प्रमुख जिल्ला अधिकारीको जिम्मेवारीमा थिए।

तर, गौरीबहादुर कार्की नेतृत्वको आयोगसमक्ष दिएको बयानमा रिजालले आफूले घातक हतियार प्रयोग गर्न आदेश नदिएको दाबी गरेका छन्।

यस प्रकरणमा मन्त्रिपरिषद्ले आयोगको प्रतिवेदन कार्यान्वयन गर्ने निर्णय गरेसँगै केपी शर्मा ओली र तत्कालीन गृहमन्त्री रमेश लेखक समेत यसअघि नै पक्राउ परिसकेका छन्।

वीरगञ्ज । पर्सा क्षेत्र नं. १ का प्रतिनिधिसभा सदस्य सांसद हरी पन्त र क्षेत्र नं. २ का संघीय सांसद सुशील कुमार कानुले जिल्ला प्रशासन कार्यालय पर्साको संयुक्त रूपमा अनुगमन गरेका छन्।

अनुगमनका क्रममा उनीहरूले कार्यालयमा पुगेका सेवाग्राहीसँग प्रत्यक्ष रुपमा गुनासा तथा सुझाव सुनेका थिए।

सेवाग्राहीहरूले सेवा लिनका क्रममा भोग्नुपरेका समस्या, ढिलासुस्ती तथा अन्य असुविधाबारे जानकारी गराएका थिए।

सांसदद्वयले सेवाग्राहीबाट आएका गुनासालाई गम्भीरतापूर्वक लिन कार्यालयका कर्मचारी तथा सम्बन्धित अधिकारीहरूलाई निर्देशन दिएका छन्।

उनीहरूले सेवा प्रवाहलाई छिटो, सहज र पारदर्शी बनाउन विशेष ध्यान दिन आग्रह गरे।

सांसद पन्त र कानुले सरकारी कार्यालयहरू जनताको सेवा गर्ने ठाउँ भएकाले सेवाग्राहीले कुनै पनि प्रकारको झन्झट वा अनावश्यक ढिलाइ भोग्न नपरोस् भन्नेमा जोड दिएका थिए।

अनुगमनका क्रममा कार्यालय प्रमुखसँग छलफल गर्दै सेवा प्रवाहलाई थप प्रभावकारी, व्यवस्थित र नागरिकमैत्री बनाउन आवश्यक कदम चाल्न पनि निर्देशन दिइएको बताइएको छ।