रामजी यादव ९ फाल्गुन बिरगंज पर्सा !

रोटरी क्लब बिरगंजले रक्तदान कार्यक्रमको आयोजना गरि सम्पन्न गरेको छ । *रक्तदान नै जिवनदान हो* भन्ने नारालाई मुलमन्त्र बनाइ देश समाजमा रहेको बिकृती कुप्रथाहरुको विभिन्न कार्यक्रम मार्फत जनचेतना फैलाउदै निर्मुल पार्नुको साथै दिन दु:खी असहाय बिपन्नको सेवा सहयोग गर्दै आएको रोटरी क्लब बिरगंज र रोटरी क्ल्ब मेट्रोपोलिस क्लबले सन्युक्त रुपमा रक्तसञ्चार केन्द्र बिरगंजमा रगतको अभाव भएको खबर प्राप्त भए लगतै शनिबार आयोजना गरेको रक्तदान कार्यक्रममा ३ महिला सहित ४९ जनाले रक्तदान गरेको मेट्रोपोलिसका अध्यक्ष सन्जय जोशिले बताए ।

रक्तदान गर्नेहरुमा बिधा भारती,स्वेता गुप्ता, कविता खेतान,सुनिल खेतान,विशाल शर्मा,गणेश राम,आयुष सिंह ,रवि श्रेष्ठ ,श्याम अग्रवाल लगायत रक्तदाताहरुले रक्तदान गरि मानवता बलियो बनाएका थिए ।  

सो अवसरमा अध्यक्ष जोशिले बिरगंजमा रगतको कमि भएको खबर प्राप्त हुदैमा आफुहरुले सामाजिक उत्तरदायित्व अन्तर्गत छोटो समयमा आजको रक्तदान कार्यक्रमको आयोजना गरेको अध्यक्ष जोशीले बताए। रक्तदान गरेकोमा केही घाटा हुदैन, धेरैजसो दु:खी ,असहायको जीवन नै बाच्ने भएकोले हामी सबैले प्रत्येक तीन महिनामा रक्तदान गरि कसैको जिवन जोगाएर मानवता बलियो बनाउन आग्रह गर्दै आआफ्नो अमुल्य रगतदान गरि कार्यक्रम सफल बनाइदिनुहुने सम्पुर्ण रक्तदाताहरु एवं सहयोगी प्रती आभार ब्यक्त गरेका थिए । 

सो अवसरमा अध्यक्ष खेतानले रक्तसञ्चार केन्द्र बिरगंजमा रगतको अभाव भएकोले बिरगंजको नारायणी अस्पताल लगायत विभिन्न अस्पतालहरुमा उपचाररत बिरामीहरुको उपचारमा निकै समस्या आइरहेकोले रक्तदान गर्न गराउन सबैले हातेमालो गरि मानवता बलियो बनाउन जोड दिएका थिए । 

बीरगंजको माईस्थान पार्कमा सम्पन्न सो रक्तदान कार्यक्रम रोटरी क्लब बिरगंजका अध्यक्ष सुनिल खेतान र रोटरी क्लब मेट्रोपोलिसका अध्यक्ष संजय जोशिको संयुक्त अध्यक्षतामा सम्पन्न सो कार्यक्रममा अतिथिहरु जेष्ठ नागरिक संघ मधेश प्रदेशका अध्यक्ष वरिष्ठ पत्रकार समाजसेवी जगदिश शर्मा,नेपाल रेडक्रस सोसाइटी पर्साका अध्यक्ष बृजकिशोर पटेल,नारायणी अस्पतालका मेसु डा. चित्ररन्जन साह,डा. आनन्द अग्रवाल,बिरगंज कपडा बैंकका अध्यक्ष लालबाबु सिंह ,रोटरी क्लबका पुर्व अध्यक्ष शशीरन्जन कलवार , गहवामाई रथयात्रा बिरगंजका महासचिव लक्ष्मी गुप्ता ( पप्पु) ,रक्तसञ्चार केन्द्र बिरगंजका प्रमुख सौरभ राज पाण्डे लगायत रोटरी क्लबका पदाधिकारी सदस्यहरु अग्रज ,महिला,युवाहरुको बाक्लो सहभागिता रहेको थियो ।

 सो अवसरमा अतिथिहरुले हामीले गरेको रक्तदानले कसैको जीवन बचाउन सकिने भएकोले यस्तो पवित्र कार्य गर्ने सम्पुर्ण रक्तदाताहरु ईश्वरका साक्षात दुत हुन भन्दै सम्पुर्ण युवा ,अग्रज, महिलाहरुलाइ रक्तदान गर्न आग्रह गर्दै रोटरी क्लब परिवारलाई बधाई एवं धन्यवाद प्रदान गरेका थिए

रौतहट, फागुन ९ गते । जिल्ला प्रशासन कार्यालय रौतहटले सदरमुकाम गौरमा कफ्‌र्यु आदेश जारी गरेको छ ।

जिल्ला सुरक्षा समिति रौतहटको निर्णय अनुसार शनिबार दिउँसो १ बजे देखि अर्को आदेश नहुन्जेल सम्मको लागि कफ्‌र्यु आदेश जारी गरिएको रौतहटका प्रमुख जिल्ला अधिकारी दिनेश सागर भुषालले जानकारी दिनुभयो ।

पूर्वमा मुडवलबा गेट, पश्चिममा लालबकैया बाँध, उत्तरमा बम नहर र दक्षिणमा गौर भन्सार कार्यालय क्षेत्रमा कफ्‌र्यु लगाइएको उहाँले बताउनुभयो ।

कफ्‌र्यु लगाइएको क्षेत्रमा कुनै व्यक्ति आवत जावत गर्न, भेला गर्न, सभा जुलुस तथा प्रदर्शन गर्न नपाउने गरि स्थानीय प्रशासन ऐन २०२८ को दफा ६ (क) बमोजिम रोक लगाइएको जिल्ला प्रशासन कार्यालय रौतहटले जनाएको छ ।

आदेशको उल्लङ्घन गर्नेलाई कानुन बमोजिम कारबाही गर्ने जनाइएको छ । जिल्ला प्रशासन कार्यालय रौतहटमा शुक्रबार साँझ भएको ६ बुँदे सहमति विपरित शनिबार बिहान पुनः दुई समुदायबीच झडप भएसँगै अवस्था तनावग्रस्त भए पछि कफ्‌र्यु जारी गरिएको हो । 

बिहान करिब ९ बजेदेखि ढुङ्गामुढा सुरु भएपछि स्थिति नियन्त्रणमा लिन सयौँ सुरक्षाकर्मी परिचालन गरिएको छ । झडप उग्र रूप लिन थालेपछी नेपाल प्रहरी र सशस्त्र प्रहरी बल नेपालका संयुक्त टोली घटनास्थलमा खटिएका छन् ।

शनिबार गौरको बिभिन्न ठाउँमा भएको झडपमा कैयौँ गाडी जलाइएको छ भने गौर-३ मा रहेको एउटा मस्जिद समेत जलाइएको छ ।

शुक्रबार साँझ भएका वार्तामा सामाजिक सद्भाव कायम गर्ने, संयमता अपनाउने र आउँदो २१ गते हुने निर्वाचनमा सबैको सहभागिता सुनिश्चित गर्ने प्रतिबद्धता दोहोर्‍याइएको थियो ।

बिहीबार राती सवगढामा विवाहको जन्ती बाजा बजाउँदै आउँदा मस्जिद अगाडि अवरोध भएपछि विवाद चर्किएको थियो ।

वीरगंज– पर्सा क्षेत्र नम्बर २ बाट प्रतिनिधि सभाका लागि स्वतन्त्र उम्मेदवारका रूपमा चुनावी मैदानमा उत्रिएका रबिन्द्र कुमार चौधरी (उर्फ मुना चौधरी) ले आफू विजयी भए जनताको आधारभूत समस्या समाधानलाई पहिलो प्राथमिकतामा राख्ने प्रतिबद्धता व्यक्त गरेका छन्।

अटो चालकको पेशाबाट राजनीतिमा प्रवेश गरेका चौधरीले हार–जीत आफ्नो ठाउँमा भए पनि जनताको सेवा नै आफ्नो मुख्य उद्देश्य रहेको बताए। “म सामान्य परिवारबाट आएको व्यक्ति हुँ। दुःख, अभाव र बेरोजगारी के हो भन्ने मैले नजिकबाट भोगेको छु,” उनले भने, “यदि जनताले विश्वास गरेर जिताए भने पर्सा–२ का कुनै पनि गरीब र दिनदुःखी नागरिक भोकै बस्न नपर्ने वातावरण बनाउन पहल गर्नेछु।”

चौधरीले रोजगारी सिर्जना, साना तथा मझौला व्यवसाय प्रवर्द्धन र स्थानीय उत्पादनको बजार व्यवस्थापनमा विशेष ध्यान दिने योजना सार्वजनिक गरेका छन्। उनका अनुसार युवालाई स्वदेशमै रोजगारीको अवसर उपलब्ध गराउन सीपमूलक तालिम र सहुलियत ऋण कार्यक्रम ल्याउन पहल गरिनेछ।

त्यसैगरी, उनले पूर्वाधार विकास, गुणस्तरीय स्वास्थ्य सेवा र सुधारिएको शिक्षा प्रणालीलाई आफ्नो मुख्य एजेन्डा बनाएका छन्। “सडक, खानेपानी र विद्युतजस्ता आधारभूत पूर्वाधारलाई व्यवस्थित गर्दै स्वास्थ्य चौकी र विद्यालयहरूको स्तर उकास्न म जुझारु रूपमा लाग्नेछु,” उनले प्रतिबद्धता जनाए।

स्वतन्त्र उम्मेदवारका रूपमा चुनावी मैदानमा उत्रिएका चौधरीले परम्परागत राजनीति भन्दा फरक शैलीमा जनतासँग प्रत्यक्ष संवाद गर्दै घरदैलो अभियानलाई तीव्र बनाएका छन्। उनका समर्थकहरूका अनुसार सामान्य पृष्ठभूमिबाट आएका उम्मेदवार भएकाले उनी जनताको वास्तविक समस्या बुझ्न सक्षम रहेको दाबी गरिएको छ।

अब हेर्न बाँकी छ—पर्सा–२ का मतदाताले स्वतन्त्र उम्मेदवार मुना चौधरीको एजेन्डालाई कत्तिको साथ दिन्छन्।

नेपाल आज राजनीतिक, सामाजिक र कूटनीतिक रूपमा संवेदनशील मोडमा उभिएको छ। यस्ता बेला हरेक सचेत नागरिकले केही गम्भीर प्रश्नहरू आफूलाई सोध्नै पर्छ।

१️⃣ पाँच वर्षे सांसद कार्यकाल किन तीन वर्षमै सीमित भयो?

नेपालको संविधान अनुसार प्रतिनिधि सभाको कार्यकाल पाँच वर्षको हुन्छ। तर बीचमै संसद विघटन हुनु वा चुनाव अगावै घोषणा हुनु सामान्य राजनीतिक अभ्यास हो कि अस्थिरताको संकेत?

के यसले नेपाली जनताको भविष्य सुरक्षित गर्छ, वा देशलाई अझ अन्योल र अन्धकारतर्फ धकेल्छ?

बारम्बार हुने चुनावले राज्यको ढुकुटीमा आर्थिक भार थप्छ, विकास योजनाहरू रोक्छ, र नीतिगत निरन्तरतामा असर पार्छ। त्यसैले यो केवल राजनीतिक निर्णय मात्र होइन, राष्ट्रिय भविष्यसँग जोडिएको विषय हो।

२️⃣ सुदन गुरुङ को हुन्?

Sudan Gurung पछिल्ला समयहरूमा चर्चामा आएका नाम हुन्। एकासी प्रधानमन्त्री छनोट प्रक्रियामा विचार राख्ने र अहिले सांसद चुनावमा उम्मेदवारी दिने व्यक्तित्वका रूपमा उनी परिचित भएका छन्।

उनीको पृष्ठभूमि, उद्देश्य र राजनीतिक एजेन्डा के हो?

नेपाली जनताले व्यक्तिभन्दा पनि नीतिलाई हेरेर मूल्यांकन गर्न आवश्यक छ।

३️⃣ सांसद भवन र सर्वोच्च न्यायालय जल्नुको अर्थ के?

संघीय संसद सचिवालय अन्तर्गतको सांसद भवन र

सर्वोच्च अदालत जस्ता राज्यका संवैधानिक संस्थाका भवनहरूमा आगजनी हुनु सामान्य घटना होइन।

यो केवल भौतिक संरचना जल्नु मात्र होइन—यो लोकतन्त्र, न्याय प्रणाली र राज्य संरचनामाथिको प्रत्यक्ष प्रहार हो।

यदि यस्ता घटनाहरू योजनाबद्ध हुन् भने त्यसले देशभित्रको असन्तोष, षड्यन्त्र वा शक्तिसंघर्षको संकेत दिन सक्छ।

४️⃣ दमकल रोकिनु र पानी वितरणमा अवरोध नहुनु – के संकेत हो?

Balen Shah नेतृत्वमा काठमाडौं महानगरपालिकाले पानी वितरण गर्दा नगर प्रहरीका गाडी नरोकिनु तर आगो निभाउन जाने दमकल रोकिनु जस्ता घटनाहरूले थप प्रश्न उठाउँछन्।

के यो प्रशासनिक कमजोरी हो?

के यो राजनीतिक हस्तक्षेप हो?

वा कुनै विशेष रणनीतिक खेल?

यस्ता विरोधाभासी घटनाले जनविश्वास कमजोर बनाउँछन्। सत्य के हो भन्ने स्पष्ट अनुसन्धान आवश्यक हुन्छ।

५️⃣ चुनावपछि आउने प्रधानमन्त्री देश बनाउने कि बिगार्ने?

नयाँ प्रधानमन्त्रीले देशलाई स्थिरता र विकासको बाटोमा लैजाने कि पुनः अस्थिरताको चक्रमा फसाउने?

Millennium Challenge Corporation (MCC) जस्ता अन्तर्राष्ट्रिय सम्झौताहरू अहिले शान्त देखिए पनि चुनावी मिति नजिकिँदा अन्तर्राष्ट्रिय शक्तिहरूको नेपाल भ्रमण बढ्नु संयोग मात्र हो कि रणनीतिक चासो?

नेपाल सधैं भूराजनीतिक रूपमा संवेदनशील स्थानमा रहेको देश हो। छिमेकी र विश्वशक्तिहरूको चासो स्वाभाविक भए पनि राष्ट्रिय स्वाधीनता र हित सर्वोपरि हुनुपर्छ।

🔎 निष्कर्ष

देशको अवस्था जटिल छ। भावनामा बगेर होइन, तथ्य र विवेकका आधारमा निर्णय लिनुपर्ने समय आएको छ।

नेपाली जनताले:

✔️ उम्मेदवारको पृष्ठभूमि बुझ्नुपर्छ

✔️ नीतिगत एजेन्डा अध्ययन गर्नुपर्छ

✔️ सामाजिक सद्भाव कायम राख्नुपर्छ

✔️ भ्रामक सूचना र अफवाहबाट टाढा रहनुपर्छ

लोकतन्त्रमा अन्तिम शक्ति जनता नै हुन्।

हामी सचेत भयौं भने देश सुरक्षित रहन्छ।

हामी विभाजित भयौं भने भविष्य जोखिममा पर्न सक्छ।

🇳🇵 देश बनाउने जिम्मा हाम्रो हातमा छ।

#NepalPolitics #NepalElection #ThinkBeforeVote #Democracy #Nepal