बारा जिल्लामा पनि क्यासिनो सञ्चालन गर्ने सञ्चालक भारतीय नागरिक हैन नेपाली नागरिक हुन, गेम खेलाउने नेपाली, क्यासिनो भित्र नेपाली जनता छिराउने दलाल पनी नेपाली व्यक्ति। 

नेपालमा सञ्चालन रहेको क्यासिनो नेपाल को जनता बाहेक लाई मात्र प्रवेश गर्न अनुमती रहेको ठाउँमा कसरि भयो नेपाली जनताको प्रवेश? जिल्ला प्रहरी कार्यालय बाराको क्राइम टोलि कहाँ छन्? किन गर्दैनन् निस्पक्छ छानबिन? 

क्यसिनो बाट लाखौं लाखको रकम घुमुवा मार्फत महिनावारी बुझिएको एसपी, क्राइम टोलि, qrt टोलि को पर्दाफास गर्न अहीले हाम्रो काठमाडौं बुलेटिन को एक रिपोर्टरले नेपाली भएको प्रमाण सहित भित्र गएर सत्य उजागर गरेका छन्। त्यो पनि क्यासिनो भित्र छिराउने दलाल लाई बिना जानकारी गराई कि म पत्रकार सञ्चारकर्मी हाे। 

पर्सा जिल्ला बाट प्रहरी निरिक्षक सँगै गाउँपालिका अध्यक्ष कारवाहीमा परेको जस्तै त्यस क्यासिनोको सीसीटीभी फुटेज हेर्दा त्यसमा पनी थुप्रै नायब निरीक्षक, निरिक्षक को उपस्थिति रहेको हाम्राे यस संस्थाको पत्रकार जनाउँछन्।

होटल इच्छा सिमरा मा ९ जना दलाल रहेको स्थानीय बताउँछन्। प्रत्येक ब्यक्तिलाई छिराउने दलालले ३००० कमिसन पाउने समेतको स्थानीय तथा स्रोतको दाबी छ। 

कसरी भित्र प्रवेश भयाे एक पत्रकारकाे? बिना भारतिय आधार कार्ड को प्रवेश न हुने ठाउँमा एक पत्रकार कसरी भित्र छिर्न सफल भए? किनकि नेपालि जनताको यहाँ जसरी भए पनि रकम पैसा चुसी आफू धनी हुने क्यासिनो सञ्चालको उदेश्य रहेको छ।

होटलको मूख्य आर्थीक श्रोत भनेको क्यसीनो नै हाे। तर भारतिय जनता कम नेपाली जनताको ठुलो मात्रामा उपस्थिति हुनु आश्चर्य जनक छ। हामीले समाचार लेख्छौ प्रमाण हामीसँग खोजिन्छ तर।

प्रमाण जुटाउन भित्र प्रवेश गरेको हाम्रो काठमाडौं बुलेटिन को पत्रकार भित्र छिर्न सँगै उहाँको मोवाईल स्विच अफ गराइयो। यदि यो समाचार गलत लाग्छ भने २४ घण्टा देखी अहिले सम्मको cctv विडियो सर्वर्जिनक गरे सत्य तथ्य आफैं उजागार हुनेछ।

काठमाडौं । वरिष्ठ पत्रकार युवराज गौतमको ६६ वर्षको उमेरमा निधन भएको छ ।

श्वासप्रश्वासमा समस्या भई आज (भदौ २७) बिहान बलम्बुस्थित सशस्त्र प्रहरी बल, नेपालको अस्पतालमा उनलाई बेहोस अवस्थामा उपचारका निम्ति लगिएको थियो । गौतमको स्वास्थ्य परीक्षण गर्दा मुटुको चाल बन्द भएपछि निधन भएको अस्पतालका चिकित्सक डा. दिवाकार सिंह थापाले जानकारी दिए ।

इलाममा सन् १९६० मा जन्मिएका लेखक समेत रहेका गौतम गोरखापत्र दैनिकका पूर्वप्रधानसम्पादक पनि थिए । उनको अन्त्येष्टि आइतबार (भदौ २८) गरिने जनाइएको छ ।

वीरगन्ज । भोटेकोशी र त्रिशूली नदीमा आएको विनाशकारी बाढीबाट प्रभावित रसुवाका नागरिकका लागि वीरगन्जबाट करिब १५ लाख रुपैयाँ बराबरको राहत सामग्री पठाइएको छ।

राष्ट्रिय स्वतन्त्र पार्टी (रास्वपा)का महाधिवेशन प्रतिनिधि सुधिर पटेलको नेतृत्वमा युवा नेताहरूको टोली शनिबार राहत सामग्री लिएर रसुवातर्फ प्रस्थान गरेको हो। ‘वीरगन्ज सहयोगी हात’ नामक युवाहरूको पहलमा संकलन गरिएको खाद्यान्न तथा अन्य आवश्यक सामग्री पिकअप गाडीमार्फत रसुवा पठाइएको हो।

राहत सामग्री लिएर आफू स्वयं प्रभावित क्षेत्रमा पुग्न लागेको पटेलले बताए। उनका अनुसार रसुवा पुगेपछि विभिन्न होल्डिङ सेन्टरमा रहेका बाढीपीडितलाई राहत सामग्री वितरण गरिनेछ।

सम्भव भएसम्म बाढी प्रभावित नागरिकका घरघरमै पुगेर समेत राहत सामग्री उपलब्ध गराउने योजना रहेको पटेलले जानकारी दिए।

बाढीका कारण भोटेकोशी र त्रिशूली नदी आसपासका विभिन्न क्षेत्रमा ठूलो क्षति पुगेपछि प्रभावित नागरिकलाई तत्काल आवश्यक खाद्यान्न तथा अन्य सामग्री उपलब्ध गराउने उद्देश्यले वीरगन्जबाट राहत संकलन गरिएको हो।

पर्सागढी २७ भदौ 

वातावरण संरक्षण तथा धार्मिक–सामुदायिक क्षेत्रको सौन्दर्यीकरणलाई लक्षित गर्दै पर्सागढी नगरपालिका–५, हर्दिया मन्दिर परिसरमा चौतारी पार्क निर्माण गरिएको छ।

वन डिभिजन कार्यालय पर्साको वार्षिक कार्यक्रमअन्तर्गत १६ लाखको लागतमा निर्माण गरिएको उक्त चौतारी पार्कको उद्घाटन सवैया साझेदारी वन उपभोक्ता समितिका उपाध्यक्ष एवम् पर्सागढी नगरपालिकाका नगरसभा सदस्य तथा पूर्व वडा अध्यक्ष असलम आलमले गर्नुभएको हो।

उद्घाटन कार्यक्रममा वातावरण संरक्षणसँगै सार्वजनिक तथा धार्मिक स्थलको संरक्षण, सरसफाइ र हरियाली प्रवर्द्धनमा यस्ता संरचनाले महत्वपूर्ण योगदान पुर्‍याउने बताइएको थियो। स्थानीयवासी तथा धार्मिक स्थलमा आउने श्रद्धालुहरूका लागि विश्रामस्थलका रूपमा समेत चौतारी पार्क उपयोगी हुने अपेक्षा गरिएको छ।

पार्क निर्माण उपभोक्ता समितिका उपभोक्ता अध्यक्ष रमेश प्रसाद यादव , आमोदिन हवारी, विरेन्द्र तिवारी, मनमोध यादव लगायत स्थानीयवासी तथा सरोकारवालाहरूको सहभागिता रहेको थियो।