पर्सा ,भदौ ९ —
पर्साको पटेर्वा सुगौली गाउँपालिका–१ स्थित प्रसिद्ध धार्मिक तीर्थस्थल भाथाधाम (बाबा दुधेश्वरनाथ महादेव) मा एक महिने साउने मेला सम्पन्न भएको भोलिपल्ट मंगलबार बिहान ट्याक्टर दुर्घटनामा परी १७ वर्षीय किशोरको मृत्यु भएको छ।
मृत्यु हुनेमा बाराको विश्रामपुर गाउँपालिका–५, इटियाही टोल निवासी अजय रामका करिब १७ वर्षीय छोरा आकाश राम रहेका छन्।
साउन महिनाको चौथो तथा अन्तिम सोमबार भाथाधाममा दर्शन तथा जल अर्पण गर्न नेपालका विभिन्न जिल्ला र भारतको बिहारलगायत सीमावर्ती क्षेत्रबाट ठूलो संख्यामा श्रद्धालु पुगेका थिए। सोमबार साँझ एक महिने मेला सम्पन्न भएपछि मंगलबार बिहान मेलामा राखिएका पसल तथा सामान उठाउन ट्याक्टर भाथाधामतर्फ जाने क्रममा दुर्घटना भएको हो।
प्रहरीका अनुसार ट्याक्टरमा चालक र मृतक किशोर गरी दुई जना सवार थिए। उनीहरू नाताले अङ्कल–भतिजा रहेको प्रारम्भिक विवरणमा खुलेको छ। ट्याक्टर चारभैया पोस्टबाट करिब दुई किलोमिटरभित्र पुगेपछि किशोर ट्याक्टरबाट खसेका थिए। सोही क्रममा ट्याक्टरको चक्कामुनि परी च्यापिँदा उनको घटनास्थलमै मृत्यु भएको प्रहरीले जनाएको छ।
घटना बिहान करिब ७ बजे भएको हो। सडकमा रगत देखेपछि भाथाधामतर्फ जाँदै गरेका श्रद्धालुले नेपाली सेनालाई घटनाबारे जानकारी गराएका थिए। त्यसपछि मेला व्यवस्थापन समितिका अध्यक्ष अल्खदेव चौधरी घटनास्थलमा पुग्दा किशोर मृत अवस्थामा देखेपछि प्रहरीलाई खबर गरेका थिए।
सूचना पाएलगत्तै इलाका प्रहरी कार्यालय पटेर्वा सुगौलीका प्रहरी निरीक्षक समुन्नत अधिकारीको नेतृत्वमा प्रहरी टोली घटनास्थल पुगेको थियो। प्रहरी निरीक्षक अधिकारीका अनुसार प्रारम्भिक अनुसन्धानमा किशोर ट्याक्टरबाट खसेपछि च्यापिएको र सोही कारण मृत्यु भएको देखिएको छ।
घटनापछि चालकले सडकमा रहेको शवलाई छेउमा सारेको र त्यसपछि ट्याक्टर लिएर जंगल क्षेत्रबाट बाहिर निस्केर मृतकका परिवारलाई फोनमार्फत घटनाबारे जानकारी गराएको मृतकका भाइले बताएका छन्। त्यसपछि भने चालकसँग सम्पर्क हुन नसकेको उनको भनाइ छ।
दुर्घटनापछि घटनास्थलमा प्रहरीको अनुसन्धान तथा मुचुल्का उठाउने कार्य भइरहेकाले भाथाधाम जाने–आउने श्रद्धालुलाई केही समय रोकिएको थियो। बिहान करिब ७ बजे भएको घटनाको आवश्यक कानुनी प्रक्रिया पूरा गर्न दिउँसो करिब १ बजेसम्म लागेको प्रहरीले जनाएको छ।
प्रहरीले घटनास्थलको मुचुल्का उठाएर मृतकको शव पोस्टमार्टमका लागि नारायणी अस्पताल, वीरगंज पठाएको छ। मृतकका परिवारजन घटनास्थलमा आएर आवश्यक प्रक्रिया पूरा गरेपछि प्रहरीसँगै शव लिएर वीरगंज गएको मेला व्यवस्थापन समितिले जनाएको छ।
एक महिनासम्म भाथाधाममा सञ्चालन भएको साउने मेला सोमबार साँझ सम्पन्न भएको थियो। मेला समापन भएको भोलिपल्टै सामान उठाउन जाने क्रममा भएको दुर्घटनामा किशोरको मृत्यु भएपछि स्थानीय क्षेत्रमा शोक छाएको छ।
घटनाबारे थप अनुसन्धान भइरहेको र ट्याक्टर चालकको खोजी गर्नुका साथै दुर्घटनाको वास्तविक कारण पत्ता लगाउने प्रयास भइरहेको इलाका प्रहरी कार्यालय पटेर्वा सुगौलीले जनाएको छ।
बारा , भदौ ९ —
बाराको जीतपुर सिमरा उपमहानगरपालिका–६ बाट ११ वर्षीया बालिका बेपत्ता भएकी छन्।
बेपत्ता हुनेमा स्थानीय सनाया खातुन रहेकी छन्। इलाका प्रहरी कार्यालय सिमराका अनुसार बालिका बेपत्ता भएको भन्दै उनकी आमा गुलाप्सा खातुनले मंगलबार मध्यान्ह प्रहरीमा निवेदन दिएकी हुन्।
इलाका प्रहरी कार्यालय सिमराका प्रहरी नायव उपरीक्षक दयाकृष्ण भट्टले बालिका बेपत्ता भएको निवेदन प्राप्त भएको जानकारी दिए।
प्रहरीका अनुसार निवेदन प्राप्त भएलगत्तै बालिकाको खोजी कार्य सुरु गरिएको छ। बालिका कहाँबाट र कसरी बेपत्ता भएकी हुन् भन्नेबारे पनि प्रहरीले आवश्यक अनुसन्धान गरिरहेको जनाएको छ।
पर्साको बलुवा नाका बाट व्यापक रूपमा कपडाको तस्करी मौलाएको एक भिडियो ले प्रष्ट पारेको छ। उक्त भिडियोमा त्यहाँका स्थानीयले बिरोध गर्दैै नेपाल प्रहरी तथा सशस्त्र प्रहरीको कार्यशैली प्रति विरोध जनाएको प्रष्ट छ।
दिनभरि पर्सा जिल्लाको अनेकौँ नाकामा कडाइ गरिएको देखिन्छ घरायसी प्रयोजनका सामान ल्याउँदा समेत भन्सार गराएर मात्र लिएर आउनु जस्तो पाठ सिकाइन्छ तर त्यही बेलुका राति र बिहान सम्म तस्कर लाई छुट दिने गरेको भिडियो स्वयम् प्रमाण छ।
भिडियोमा कोई एक जना व्यक्ति तस्करको सामान छुटाउन, सेटिङ मिलाउन समेत पुगेको जस्तो भिडियोमा प्रस्ट रूपमा आवाज सुनिएको छ। प्रहरी र स्थानीयले झपारेको पनि आवाज भिडियो मा छ।
आम जनता ५ किलो चिनी, खाने तेल, चामल, मसला ल्याउँदा ठूलो अपराधी जस्तै व्यवहार आम जनता संग गर्ने गरेका छन मानौंकि त्यो सामान नाका बाट नेपाल छिर्यो भने प्रहरी हरुको जागिर खोसिन्छ। तर रातभरि आफैं स्कटिंग गरी सीमा देखि सुरक्षित ठाउँमा पुर्याउन प्रहरी आफैं सहयोग गर्ने गरेका हुन्छन।
भाँगहा,बलुवा नाका इलाका प्रहरी कार्यालय पटेर्वा सुगौली , सशस्त्र प्रहरी बोर्डर आउट पोष्ट चैनपुरको क्षेत्रमा पर्ने गरेको छ। राति पक्राऊ परेको लाखौं लाख को कपडा, तस्करीमा संलग्न एक व्यक्ति, तस्करीमा प्रयोग हुने मोटरसाइकल समेत बरामद भएको छ।
राति स्थानीयले बिरोध गरे, सूचना दिए पश्चात् नेपाल प्रहरी र सशस्त्र प्रहरी कपडा, व्यक्ति,मोटरसाइकल पक्राऊ गर्न सफल भए यदि त्यही कसैले बिरोध वा जानकारी न गराए निर्वाध रुपमा यो तस्करीको सञ्जाल चलिरहन्थ्यो।
एक स्थानीयका अनुसार इलाका प्रहरी कार्यालय पटेर्वा सुगौलीमा घुमवा मार्फत मोटो रकम असुलीको कुरा उहाँले जानकारी दिनुभयो। यदि रकमको चलखेल छैन भने यति दिनदेखि किन पक्राऊ परेन। रातभरि तस्कर समूहले कुदाउने मोटरसाइकलको चर्को आवाज ले सुत्न समेत गार्हो हुने जनाए।
यस विषयमा सम्बन्धित तथा माथिल्लो निकायले छानबिन गर्न र तस्करीमा संलग्न गिरोहलाई कानुनी कारवाही गर्न आवश्यक बुझिन्छ।
रौतहटको बौधिमाई नगरपालिका वडा नम्बर २ ईनर्वा टोलमा एक महिलाले आफ्नै घरको आँगनमा सलको पासो लगाई झुण्डिरहेको अवस्थामा फेला परेकी छन्।
पासो लगाई मृत्यू हुने महिला सुभेश सहनीको श्रीमती अन्दाजी २८ वर्षकी मंजु देवी रहेकी छिन्। मञ्जु देवी ३ महिनाको गर्भवती पनि रहेको जानकारी प्राप्त भएको छ।
आफ्नै घरको आंगनमा लुगा सुकाउने कपडाको डोरीमा सलको पासो लगाई झुण्डि रहेको अबस्थामा उक्त महिलाको शव फेला परेको थियो। आफ्नो श्रीमती झुण्डिरहेको अवस्थामा देखेपछि बिहानको ६ बजेर १५ मिनेटमा प्रहरीलाई जानकारी गराएका थिए।
सूचना पाउनसाथ इलाका प्रहरी कार्यालय कोप्वा पिपरिया रौतहटबाट प्र.ना.नि. मिन बहादुर धमला र उनको कमाण्डमा प्रहरी टोली घटना स्थल पुगेका थिए। घटना स्थलमा पुग्नुसंगै घटना स्थल सुरक्षित गरेका पनि थिएँ।
थप अनुसन्धान तथा कानुनी प्रकृयाको लागी जिल्ला प्रहरी कार्यालय रौतहटबाट प्रहरी निरीक्षक बिश्व नाथ यादवको कमाण्डमा SOCO सहितको टोली खटेको जानकारी प्राप्त भएको छ।
शव पोस्टमार्टमको लागि मलंगवा अस्पताल पठाएको छ भने घटनाको सम्बन्धमा थप अनुसन्धान कार्य अगाडी बढाइएको जिल्ला प्रहरी कार्यालय रौतहटले जनाएको छ।
रौतहट जिल्लाको परोहा नगरपालिका वडा नं. ०३ तेजापाकड टोलमा आफ्नै माइती घरमा सुत्ने कोठामा सलको पासोमा झुण्डी रहेकाे अवस्थामा एक महिलाको शव फेला परेको छ।
पासो लगाई मृत्यू हुने महिला परोहा नगरपालिका वडा नं. ०३ तेजापाकड टोलमा बस्ने शेख समिउल्लाको श्रीमती अन्दाजी १७ वर्षकी अंगुरी खातुन रहेकी छन्।
शेख समिउल्ला रोजगारीको शिलसिलामा भारतमा रहेका छन्। परोहा नगरपालिका वडा नं. ०३ तेजापाकड टोलमा नै खातुनको माइती पनि रहेकाे छ।
माईती घर ( बुबा अवास मिया) को टालीको छानो र बासको टाटी बेरा भएको सुत्ने कोठामा बासको बल्लोमा सलको पासो लगाई झुण्डि रहेको अबस्था खातुनको शव फेला परेको थियो। खातुनको दाइले बिहान ६ बजे झुण्डिएको अवस्थामा शव देखिनसाथ अस्थायी प्रहरी पोष्ट लौकाहा रौतहटमा जानकारि गराएका थिए।
लौकाहा प्रहरी पोष्ट बाट प्र.स.नि. राम नरेश दासको कमाण्डमा प्रहरी टोली घटना स्थलमा पुगेको थियो। घटना स्थलमा पुगेर घटना स्थल लाई सुरक्षित गरेका थिए। थप अनुसन्धानको लागी तथा कानुनी प्रकृयाको लागी जि.प्र.का. रौतहटबाट प्र.नि. बिश्व नाथ यादवको कमाण्डमा Soco सहितको प्रहरी टोली पनि खटेका थिए।
शव पोष्टमार्टमको लागि प्रादेशिक अस्पताल गौरमा पठाइएको छ साथै घटनाको सम्बन्धमा थप अनुसन्धान भईरहेको जिल्ला प्रहरी कार्यालय रौतहटले जनाएको छ।
हाम्रो बारेमा
यो वेवसाइट Kathmandu Bulletin को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
सञ्चालक एवम् प्रबन्ध निर्देशक
सम्पादक : रिषि केश
पत्रकार : आयुष भुजेल
सन्चालक : बिकि यादव
विज्ञापन
Kathmandu Bulletin मा विज्ञापन गर्न फोन:- 9761929175 मा सम्पर्क गर्नुहोला ।
पत्रकार विवरण
रौतहट :
रोशन कुमार साह
+977-9703493232
बारा र पर्सा :
आर. के. भगत
+977-9712074681
सम्पर्क
📍 ठेगना: बिरगंज, पर्सा
☎ फोन: ९७६१९२९१७५
✉ ईमेल: kathmandubulletin.np@gmail.com
✸ सूचना बिभाग दर्ता नं : ५२५८–२०८२/२०८३