बिरगंज, पर्सा, १५ कार्तिक 

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले संविधानभन्दा माथि र लोकतन्त्रभन्दा ठूलो कोही पनि नरहेको स्पष्ट पारेका छन्।

शनिबार पार्टीको केन्द्रीय कार्यालयमा बसेको सचिवालय बैठकपछि सञ्चारकर्मीसँग कुराकानी गर्दै लामिछानेले संविधान र लोकतन्त्रमाथि आँच पुर्‍याउने गतिविधिमा संलग्न जोकोही पनि कानुनी कारबाहीको भागीदार हुनुपर्ने बताएका हुन्।

उनले संविधान र लोकतन्त्रको सर्वोच्चताका विषयमा रास्वपा र आफू स्पष्ट रहेको उल्लेख गर्दै यसमा कुनै पनि प्रकारको द्विविधा नरहेको बताए।

लामिछानेले भने, “संविधानभन्दा माथि र डेमोक्रेसीभन्दा ठूलो केही छैन, कोही छैन। रास्वपा र रवि लामिछाने यसमा स्पष्ट छ, यसमा कहिल्यै कसैले दुविधा मान्नुपर्दैन।”

संविधानलाई बेवास्ता गर्ने तथा संविधानप्रदत्त अधिकारको उल्लंघन गर्ने जोसुकै भए पनि उन्मुक्ति पाउन नहुने उनको भनाइ छ। त्यस्ता गतिविधिमा संलग्न व्यक्तिले आफ्नो जिम्मेवारी लिनुपर्ने र कानुनअनुसार सजायको भागीदार हुनुपर्ने उनले बताएका छन्।

उनले संविधान र लोकतन्त्रको मूल्यमान्यताविपरीत हुने कुनै पनि गतिविधि स्वीकार्य नहुने धारणा राखेका छन्।

यस विषयमा पार्टीभित्र थप छलफल गरी आधिकारिक निर्णय सार्वजनिक गरिने जानकारीसमेत लामिछानेले दिएका छन्।

पोखरिया । पर्साको पोखरिया नगरपालिकाको ११औँ नगरसभामा वडा नम्बर ४ का वडा अध्यक्ष लक्ष्मण साह कानुले पत्रकार शैलेश साह कानुलाई सार्वजनिक रूपमै गालीगलौज गर्दै कुटपिट गर्ने धम्की दिएको आरोप लागेको छ। नगरसभाजस्तो सार्वजनिक तथा औपचारिक कार्यक्रममा जनप्रतिनिधिहरूकै उपस्थितिमा पत्रकारमाथि यस्तो व्यवहार भएको आरोप सार्वजनिक भएपछि प्रेस स्वतन्त्रता र पत्रकार सुरक्षाको विषय पुनः चर्चामा आएको छ।

पत्रकार शैलेश साह कानुका अनुसार, आफूले पोखरिया नगरपालिका–४, सतवरियास्थित श्री नेपाल राष्ट्रिय कन्या माध्यमिक विद्यालयको कर्मचारी नियुक्ति तथा व्यवस्थापनसम्बन्धी समाचार प्रकाशन गरेपछि वडा अध्यक्ष कानु असन्तुष्ट बनेका थिए। सोही समाचारलाई लिएर नगरसभाको खुला मञ्चबाट आफूलाई गालीगलौज गर्दै अपशब्द प्रयोग गरिएको र कुटपिट गर्ने धम्कीसमेत दिइएको उनको आरोप छ।

पत्रकार कानुले विद्यालयमा कर्मचारी नियुक्तिका लागि प्रकाशित विज्ञापनको निष्पक्षता र पारदर्शितामाथि स्थानीयवासीले उठाएका प्रश्नलाई समेटेर समाचार प्रकाशन गरेका थिए।

विद्यालयले विद्यालय कर्मचारी एक जना र कार्यालय सहयोगी एक जना गरी दुई पदमा कर्मचारी माग गर्दै विज्ञापन प्रकाशित गरेको थियो। संघीय अनुदानबाट सेवा सुविधा उपलब्ध गराउने गरी प्रकाशित विज्ञापनमा विद्यालय कर्मचारी पदका लागि कक्षा १२ उत्तीर्ण तथा आधारभूत कम्प्युटर तालिम प्राप्त गरेको हुनुपर्ने र कार्यालय सहयोगी पदका लागि कक्षा ५ उत्तीर्ण हुनुपर्ने योग्यता तोकिएको थियो।

विज्ञापनअनुसार विद्यालय कर्मचारी पदका लागि लिखित, प्रयोगात्मक तथा अन्तर्वार्तामार्फत र कार्यालय सहयोगी पदका लागि अन्तर्वार्तामार्फत छनोट गर्ने व्यवस्था गरिएको थियो।

उक्त नियुक्ति प्रक्रिया निष्पक्ष हुनेमा स्थानीयवासीले आशंका व्यक्त गर्दै परीक्षा हुनुअघि नै प्रश्नपत्र बाहिरिने वा राजनीतिक पहुँचका आधारमा नियुक्ति प्रक्रिया प्रभावित हुन सक्ने आशंका सार्वजनिक गरेका थिए। यद्यपि, प्रश्नपत्र चुहावट वा कुनै उम्मेदवारलाई लक्षित गरी विज्ञापन गरिएको भन्ने विषयको स्वतन्त्र पुष्टि भएको छैन।

विद्यालयमा यसअघि नै दुई जना कार्यालय सहयोगी कार्यरत रहेको अवस्थामा पुनः कार्यालय सहयोगी पदमा विज्ञापन गरिएको विषयले पनि प्रश्न उठाएको छ।

प्राप्त विवरणअनुसार, विद्यालयमा दुई जना कार्यालय सहयोगी हुँदाहुँदै विद्यार्थीलाई विद्यालयको मूलढोका खोल्ने तथा बन्द गर्ने जिम्मेवारी दिइएको भिडियोसमेत सार्वजनिक भएको छ। यसले विद्यालयको कर्मचारी व्यवस्थापन र प्रशासनिक जिम्मेवारीमाथि प्रश्न खडा गरेको छ।

त्यस्तै, २०८१ साल साउन १ गतेदेखि खारेज भएको भनिएको एक जना कार्यालय सहयोगीको तलब तथा भत्ता २०८३ सालमा भुक्तानी भएको देखाउने प्रमाण प्राप्त भएको दाबी गरिएको छ। यदि उक्त विवरण कागजातबाट पुष्टि भएमा खारेज भइसकेको पदमा कुन आधारमा तलब तथा भत्ता भुक्तानी गरियो भन्ने विषयमा छानबिन आवश्यक देखिन्छ।

यस विषयमा विद्यालयका प्रधानाध्यापक शंकरप्रसाद रौनियारसँग प्रतिक्रिया लिँदा उहाँले विद्यालयमा दुई जना कार्यालय सहयोगी कार्यरत रहेको जानकारी दिनुभएको थियो।

विद्यालयको कर्मचारी दरबन्दी, नियुक्ति तथा खारेजीसम्बन्धी निर्णय, हाजिरी अभिलेख र तलब भुक्तानीको विवरण सार्वजनिक गरी सत्यतथ्य स्पष्ट पार्न सम्बन्धित निकायसँग माग गरिएको छ।

पत्रकार कानुका अनुसार, विद्यालयको नियुक्ति तथा व्यवस्थापनसम्बन्धी समाचारप्रति असन्तुष्टि जनाउँदै वडा अध्यक्ष कानुले नगरसभाको खुला मञ्चबाट आफूलाई गालीगलौज तथा कुटपिट गर्ने धम्की दिएका थिए।

नगरसभा स्थानीय तहको नीति, योजना, बजेट तथा जनसरोकारका विषयमा छलफल हुने महत्त्वपूर्ण सार्वजनिक थलो हो। समाचारमा चित्त नबुझे सम्बन्धित निकायमा उजुरी गर्ने, प्रमाणसहित खण्डन गर्ने वा कानुनी उपचार खोज्ने विकल्प हुँदाहुँदै सार्वजनिक मञ्चबाट पत्रकारलाई धम्की दिइएको आरोपले गम्भीर प्रश्न उठाएको छ।

देशमा कानुनको पालना र आफ्नो जिम्मेवारी पाएको क्षेत्रमा शान्ति सुरक्षा कायम गर्ने जिम्मेवारी पाएको नेपाल प्रहरी कार्यालयहरु बाट घुमुवा प्रहरी परिचालन गरी आर्थीक रकमको प्रलोभनमा परेर ब्यापक रूपमा तस्करी मौलाएको बिषय अहिले ब्यापक चर्चामा आएको छ। 

पर्सा जिल्लाको ग्रामीण क्षेत्रमा पर्ने ईलाका प्रहरी कार्यालय पोखरीयाका कार्यालय प्रमुख प्रहरी निरीक्षक भानुभक्त अर्यालको निर्देशनमा घुमुवा प्रहरी परिचालन गरिएको र उक्त घुमुवा प्रहरी ईलाका प्रहरी कार्यलय पोखरीया छेत्रमा पर्ने सीमावर्ती क्षेत्रमा पुगी तस्कर समुह सँग मोटो रकमको नजराना बुझी तस्कारीको खुल्ला रुपमा लाइन दिएको स्थानीय नै आरोप लगाएका छन्। 

स्थानीयवासीका भनाइ अनुसार ईलाका प्रहरी कार्यालय पोखरियाको मातहतमा पर्ने विभिन्न सीमावर्ती क्षेत्रमा चोरी–तस्करी बढिरहेको छ। दिनभरि सुनसान देखिने नाका बाट रातीको समयमा तस्करको लश्कर लाग्ने गरेको स्थानीय सर्वसाधारण जनताले जानकारी दिएका हुन्। 

घरायसी प्रयोजनका लागी सीमा पारी गै किनमेल गरी सामान ल्याउदा नियम कानुन को पाठ सिकाउने, भन्सार छलीको विषमा जन चेतना जगाउने प्रहरीले खुल्ला रुपमा रातभरि तस्करको संरक्षणमा जुट्ने गरेकोे आरोप समेत स्थानीय लगाउँछन्।

ईलाका प्रहरी कार्यालय पोखरीयाका घुमवा रहेका कृष्ण यादव केही महीना पहिला वीरगंज बजार क्षेत्रमा रहेको अस्थायी प्रहरी पोस्ट रानीघाट मा कार्यरत हुँदा त्यहाँ पनि घुमवा प्रहरी बसेका थिए। अहिले पोखरीयामा घुमवा को रूपमा रहेका कृष्ण यादव तस्कर समुहसँग साँठगाँठ र सम्बन्ध बनाउनमा विज्ञ रहेका ब्यक्ति हुन्।

तर, यस्ता गतिविधि नियन्त्रण गर्नुपर्ने प्रहरी कर्मचारीमाथि नै तस्करीमा संलग्न समूहसँग साँठगाँठ गरेको र आर्थिक प्रलोभनमा परेको इलाका प्रहरी कार्यालय पोखरियामा कार्यरत प्रहरी कर्मचारी कृष्णा यादवमाथि घुमुवाको जिम्मेवारीमा रहँदा तस्करीमा संलग्न व्यक्तिहरूसँग मिलेमतो गरेको तथा ठूला तस्करबाट मासिक रूपमा रकम उठाउने गरेको आरोप लागेको छ। उक्त रकम कार्यालय प्रमुखसम्म पुर्‍याउने गरिएको दाबीसमेत स्रोतले गरेको छ । 

घुमुवा प्रहरीको मुख्य जिम्मेवारी अपराध नियन्त्रण, सूचना सङ्कलन र शङ्कास्पद गतिविधिको निगरानी गर्नु हो । तर , यही जिम्मेवारीमा रहेका कर्मचारीमाथि तस्कर समूहसँग मिलेर काम गरेको आरोप लाग्नु प्रहरी सङ्गठनको कार्यसम्पादनमाथि गम्भीर प्रश्न हो।

स्थानीयवासीका अनुसार इलाका प्रहरी कार्यालय पोखरियाको मातहतमा पर्ने भिस्वा, आसवारी, मिर्जापुर, जानकीटोला, सबैठवा, धोरे, खेस्राहा, अमरपट्टी, प्रसौनीभाठ्ठा, टिहुकी र बुडगाईलगायतका क्षेत्रमा तस्करीजन्य गतिविधि बढेको गुनासो छ । ठूला तस्करमाथि प्रभावकारी कारबाही नगर्ने तर सर्वसाधारणलाई अनावश्यक दुःख दिने गरिएको आरोपसमेत स्थानीयले लगाएका छन्।

घुमुवा प्रहरीका गतिविधिबारे पटक–पटक गुनासो गर्दा पनि कार्यालय प्रमुख अर्यालले चासो नदेखाएको स्थानीयको आरोप छ । यदि यी आरोप सत्य हुन् भने त्यसले प्रहरीको निगरानी प्रणाली र नेतृत्वको जवाफदेहितामाथि गम्भीर प्र

श्न खडा गर्छ।

पर्सा।

धोबिनी गाउँपालिका वडा नं. ०१ का श्यामबाबु साह रौनियार पछिल्लो समय आफ्नो राजनीतिक सक्रियतालाई तीव्र गतिमा अगाडि बढाइरहेका छन्। स्थानीय जनताको सुख–दुःखमा साथ दिने, जनताको समस्या सुन्ने तथा समाजको विकास र परिवर्तनका विषयमा सक्रिय रहने उनको प्रयासले स्थानीय राजनीतिक वृत्तमा चर्चा पाउन थालेको छ।

समाज सुधार, विकास निर्माण, शिक्षा, स्वास्थ्य तथा युवाको भविष्यलाई प्राथमिकतामा राख्दै उनी आफ्नो राजनीतिक यात्रालाई थप सशक्त बनाउने अभियानमा जुटेका छन्।

जनतासँग प्रत्यक्ष संवाद र स्थानीय आवश्यकतालाई प्राथमिकता दिँदै अगाडि बढिरहेका रौनियारको सक्रियताले धोबिनी गाउँपालिका–०१ को स्थानीय राजनीतिमा नयाँ चर्चा सिर्जना गरेको छ।

उनको राजनीतिक यात्राको मुख्य उद्देश्य पद मात्र नभई जनताको विश्वास जित्दै समाजमा सकारात्मक परिवर्तन ल्याउनु रहेको बताइएको छ।