भैरहवा– तराईका जिल्लामा माटोका भाँडा बनाएर गुजारा चलाउने समुदायका व्यक्ति वर्षौदेखि पीडित छन् । माटाका भाँडाको प्रयोगमा कमी आएपछि उनीहरुको पेशा संकटमा परेको हो । एक समय बाह्रैमास हुने व्यापार अहिले चाडबाडमा सिमित भएको छ ।
रोहिणी गाउँपालिका–३, का जोखनप्रसाद कोहार यस्तै पीडित मध्येका एक हुन् । उनी अहिले आफ्नो पेसाको भविष्यलाई लिएर गहिरो चिन्तामा छन् । उनका अनुसार एकातिर अहिले समाजमा आधुनिकताको गहिरो प्रभाव छ । अर्कोतिर युवा पुस्तामा सीप हस्तान्तरण हुन नसक्दा पुख्र्यौली पेसा संकटमा पर्ने उनलाई पिरलो छ ।
भाँडा तयार गर्ने चक्र जस्तै जोखनको जीवन पनि फनफनी घुमिरहेको छ । यहाँ कमाई नभएपछि उनी वैदेशिक रोजगारीका लागि साउदी अरब पुगेर फर्किए । स्वदेश आएपछि उनी पूर्ण रूपमा यही पेसामा आबद्ध छन्् । ‘विदेश गए पनि सधैंभरिलाई कमाउन सकिएन,’ उनले भने, ‘यहाँ आएपछि सुरु गरेको पेसालाई कसैले चासो दिँदैनन् ।’
उनका अनुसार माटाका भाँडाकुँडा बनाउन धेरै मिहेनत लाग्छ । परम्परागत शैलीअनुसार चार दिनसम्म माटो भिँजाएर तयार गरेपछि चक्रमा राखेर आकार दिनुपर्छ । भाँडा तयार गरेपछि पाँचौ दिनमा भट्टीमा पोलेर बजारमा लैजाने गरिएको उनले बताए ।
गाउँ–सहरमा तिहारको रमझम सुरु भइसक्यो । त्यसैले अहिले पाला खरिद गर्न आउन थालेका छन् । गत वर्ष २० रुपैयाँ प्रति दर्जनका दरले माटाको पाला (दियो) बिक्री भएको थियो । यस वर्ष भने काठ तथा दाउराको मूल्यमा भएको भारी वृद्धि र माटोको अभावले ३० देखि ४० रुपैयाँ प्रतिदर्जनमा बिक्री गरिरहेको उनले बताए ।
चाडपर्वका बेला पाला मात्र बेचेर २५ हजार रुपैयाँसम्म आम्दानी हुने गरेको उनको भनाई छ । यसैबाट परिवारको रोजिरोटि चलेको जोखनप्रसादले सुनाए । व्यवसायबाट दैनिक गुजारा चले पनि बचत न्यून हुने गरेको उनले बताए । । हातमा तीन–चार हजार रुपैयाँ भन्दा बढी बचत नहुने र माटो बेचेर कमाएको पैसा खेतीकिसानी र मलखाद खरिदमा खर्च हुने गरेको उनको भनाइ छ ।
ठाउँ–ठाउँबाट माटाका सामग्रीको माग आइरहे पनि उत्पादन गरेर बजारसम्म पुर्याउन नसकेको उनको गुनासो छ । श्रीमतीले बेला–बेला उनलाई साथ दिए पनि माग अनुसार आपूर्ति गर्न कठिन हुने गरेको छ ।
२५ वर्षदेखि यसै पेसामा सक्रिय अर्का व्यवसायी कोएल कोहाँरको अनुभव पनि उस्तै छ । तिहार जस्ता पर्वमा माटोबाट बनेका पाला, घण्टी लगायतका सामाग्रीको बजारमा अत्यधिक माग हुने गरेको उनले बताए । बजारमा माटोका वस्तुको माग राम्रै भए पनि समयमै उत्पादन पुर्याउन नसकिएको उनको भनाइ छ । विगतका वर्षको तुलनामा यस वर्ष व्यापार सन्तोषजनक र राम्रो रहेको कोएलले बताए ।
रुपन्देहीका यी कुमालहरूको कथाले एकातिर परम्परागत माटोका सामग्रीहरूको माग कायमै रहेको देखाएको छ । अर्कोतिर इन्धनको महँगी, माटोको अभाव, सीप हस्तान्तरण नहुँदा र स्थानीय सरकारको बेवास्ताले काँधमा जिम्मेवारी बोकेका पुराना पुस्ताका व्यवसायीहरू चिन्तामा बाँचिरहेका छन् ।
बिरगंज, पर्सा, २० कार्तिक
काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले पार्टीभित्र नेता तथा कार्यकर्तामा ठूला राजनीतिक पदप्रतिको आकांक्षा बढ्दै गएको बताएका छन्।
शुक्रबार चितवनमा आयोजित एक कार्यक्रममा बोल्दै लामिछानेले पार्टीका नेताहरू वडाध्यक्ष बन्नसमेत इच्छुक नदेखिएको टिप्पणी गरे। उनका अनुसार पार्टीभित्र धेरैजसोको चाहना एकैपटक मेयर, प्रदेशसभा सदस्य तथा अन्य ठूला पद हासिल गर्ने देखिएको छ।
पार्टीका नेताहरू तल्लो तहबाट राजनीति सुरु गर्नभन्दा माथिल्लो पदमा पुग्न बढी उत्सुक देखिएको भन्दै उनले व्यंग्यात्मक शैलीमा असन्तुष्टि व्यक्त गरे।
लामिछानेले जनताले दिएको १८२ सिटको जनमतलाई शक्तिको दम्भ देखाउने माध्यम नभई जनताको सेवा गर्ने अवसरका रूपमा लिन पार्टीका नेता तथा कार्यकर्तालाई आग्रह गरे।
उनले पार्टी ठूलो हुँदैमा राज्यका निकायमाथि आफ्नो नियन्त्रण रहेको मानसिकता राख्न नहुने स्पष्ट पारे। प्रहरी प्रशासन तथा जिल्ला प्रशासन कार्यालयका अधिकारीमाथि राजनीतिक दबाब सिर्जना गर्ने काम नगर्न पनि उनले नेता तथा कार्यकर्तालाई सचेत गराए।
विगतमा आफूहरूमाथि राजनीतिक प्रतिशोध भएको भन्दै अहिले राज्य संयन्त्रको दुरुपयोग गरेर त्यसको बदला लिन खोज्नु गलत हुने उनको भनाइ थियो।
पार्टीका गतिविधि र व्यवहारलाई समाजले नजिकबाट नियालिरहेको उल्लेख गर्दै लामिछानेले आलोचना गर्नेहरूमाथि आक्रामक रूपमा प्रस्तुत हुनु राजनीतिक संस्कार नभएको बताए।
त्यस्तै, पार्टीभित्र पद र अवसरका लागि हुने अस्वस्थ प्रतिस्पर्धा रोक्नुपर्नेमा उनले जोड दिए। उम्मेदवार छनोट प्रक्रियालाई व्यवस्थित र पारदर्शी बनाउन 'क्यान्डिडेट क्लब' विधि अपनाइएको पनि उनले जानकारी दिए।
लामिछानेले पार्टीका नेता तथा कार्यकर्तालाई पदको आकांक्षाभन्दा जनताको विश्वास र जिम्मेवारीलाई प्राथमिकता दिन आग्रह गरेका छन्।
काठमाडौं । नेपाल प्रहरीका नवनियुक्त महानिरीक्षक (आईजीपी) डा. मनोजकुमार केसीले एसएसपी प्रविण पोखरेललाई आफ्नो सचिवालयमा ल्याएका छन् । राष्ट्रिय सुरक्षा परिषद्, सिंहदरबारमा कार्यरत पोखरेललाई आईजीपी केसीले सचिवालयमा जिम्मेवारी दिएका हुन् ।
प्रहरी नेतृत्व परिवर्तन भएसँगै अघिल्लो आईजीपीको सचिवालयमा कार्यरत अधिकृतलाई फेरबदल गर्ने प्रचलन छ । तर, आईजीपी केसीले भने पूर्वआईजीपी दानबहादुर कार्कीको सचिवालयमा कार्यरत रहेकै आधारमा कुनै पनि कर्मचारीमाथि भेदभाव नगर्ने नीति लिएको उनको सचिवालयमा कार्यरत एक अधिकृतले बताए ।
हाल आईजीपीको सचिवालयमा प्रवक्ताको जिम्मेवारीमा डीआईजी अविनारायण काफ्ले, सहप्रवक्तामा एसएसपी दीपशमशेर जबरा, एसपी धर्मराज भण्डारी र डीएसपी शेखरजङ्ग मल्ललगायतका अधिकृत कार्यरत छन् ।
स्रोतका अनुसार सचिवालयमा कार्यरत केही अधिकृत तिहारलगत्तै हुने नियमित सरुवाबाट अन्य जिम्मेवारीमा जानेबाहेक आईजीपी परिवर्तन भएकै कारण तत्काल ठूलो फेरबदल गर्ने नीति छैन ।
सचिवालयमा जिम्मेवारी पाएका एसएसपी पोखरेलले अख्तियार दुरुपयोग अनुसन्धान आयोगमा काम गर्नुका साथै सर्लाही, रुपन्देहीलगायतका जिल्लाको प्रहरी कमाण्ड सम्हालिसकेका छन् ।
पर्सा २० कार्तिक पर्साको जगरनाथपुर गाउँपालिकाका अध्यक्ष श्रीकान्त प्रसाद यादवले श्री नेपाल राष्ट्रिय माध्यमिक विद्यालयका कक्षा ११ मा अध्ययनरत विद्यार्थीहरूलाई कोर्ट–पाइन्ट वितरण गरेका छन। विद्यार्थीहरूको शैक्षिक वातावरणलाई थप व्यवस्थित, मर्यादित तथा उत्साहजनक बनाउने उद्देश्यले अध्यक्ष यादवले विद्यार्थीहरूलाई कोर्ट–पाइन्ट वितरण गरेका हुन।कोर्ट–पाइन्ट प्राप्त गरेपछि विद्यार्थी भाइबहिनीहरू निकै खुसी भएका छन्। यस सहयोगले विद्यार्थीहरूमा विद्यालयप्रतिको अपनत्व बढ्नुका साथै अध्ययनप्रति थप उत्साह र प्रेरणा मिल्ने विश्वास गरिएको छ।
शिक्षा क्षेत्रको विकास र विद्यार्थीहरूको उज्ज्वल भविष्य निर्माणमा स्थानीय सरकारको भूमिका महत्वपूर्ण हुने भन्दै अध्यक्ष यादवको यस कार्यको प्रशंसा गरिएको छ। विद्यार्थीहरूको हित र शैक्षिक उन्नतिका लागि गरिएको यस सराहनीय सहयोगप्रति विद्यालय परिवार तथा विद्यार्थीहरूले गाउँपालिका अध्यक्ष यादवलाई हार्दिक धन्यवाद व्यक्त गरेका छन्।
बिरगंज, पर्सा, २० कार्तिक
काठमाडौं । प्रहरी महानिरीक्षक (आईजीपी) पदबाट हटाइएका दानबहादुर कार्कीका लागि प्रधानमन्त्री तथा मन्त्रिपरिषद्को कार्यालयमा सुरक्षा सल्लाहकारको कार्यकक्ष तयार गरिएको छ।
सिंहदरबारस्थित प्रधानमन्त्री कार्यालयको कोठा नम्बर २०७ मा कार्कीका लागि कार्यकक्ष व्यवस्थापन गरिएको प्रधानमन्त्रीको सचिवालयले जनाएको छ। उक्त कोठाको ढोकानजिकै ‘सुरक्षा सल्लाहकार, दानबहादुर कार्की’ लेखिएको नामप्लेटसमेत राखिएको छ।
यसअघि उक्त कोठा प्रधानमन्त्रीका प्रमुख स्वकीय सचिव सुभाष शर्माले प्रयोग गर्दै आएका थिए। अहिले कार्कीका लागि छुट्टै कार्यकक्ष तयार पार्दै आवश्यक फर्निचर तथा बैठक कक्षको व्यवस्था गरिएको छ। कोठामा कुर्सी, सोफा, ठूलो बैठक टेबल र शौचालयको सुविधासमेत रहेको छ।
प्रधानमन्त्रीको सुरक्षा सल्लाहकार पद बुधबार मात्रै सिर्जना गरिएको हो। सरकारले कार्कीलाई प्रहरी महानिरीक्षकको जिम्मेवारीबाट हटाएर उक्त पदमा नियुक्त गर्ने उद्देश्यले नयाँ पद सिर्जना गरेको हो।
सरकारले कार्कीको कार्यकाल सकिन एक साता बाँकी रहँदै उनलाई आईजीपीबाट हटाएको थियो। त्यसपछि सोही ब्याचका अतिरिक्त प्रहरी महानिरीक्षक (एआईजी) मनोज केसीलाई नयाँ प्रहरी महानिरीक्षक नियुक्त गरिएको छ।
प्रधानमन्त्री र कार्कीबीच पछिल्लो समय सम्बन्धमा तिक्तता बढेको पृष्ठभूमिमा सरकारले यस्तो निर्णय गरेको समाचारमा उल्लेख छ।
यद्यपि, कार्की भने सुरक्षा सल्लाहकारको नियुक्ति स्वीकार गर्न तयार देखिएका छैनन्। सरकारले आफूलाई आईजीपी पदबाट हटाएर नयाँ पदमा लैजाने निर्णय गैरकानुनी भएको दाबी गर्दै उनले सर्वोच्च अदालतमा रिट निवेदन दायर गरेका छन्।
हाल उक्त रिट सर्वोच्च अदालत प्रशासनमा अध्ययनको क्रममा रहेको छ। अदालतबाट निर्णय नआएसम्म प्रधानमन्त्री कार्यालयमा उपस्थित नहुने र मुद्दामा पराजित भए पदबाट राजीनामा दिने योजना कार्कीले बनाएको बताइएको छ।
यससँगै सरकारले सुरक्षा सल्लाहकारका लागि कार्यकक्षसमेत तयार गरिसकेको भए पनि कार्कीले पदभार ग्रहण गर्ने विषय भने अझै अनिश्चित बनेको छ। अब यस विषयमा सर्वोच्च अदालतको निर्णयलाई चासोका साथ हेरिएको छ।
- पत्रकार पक्राउबारे प्रश्न उठ्दा रवि लामिछानेको प्रतिप्रश्न : ‘हाउ मच इज टु मच ?’
- ह्वात्तै घट्यो सुनको मूल्य, यस्तो छ आजको मूल्य
- गृहमन्त्री सुधन गुरुङको एक शब्दको स्टाटसले सामाजिक सञ्जालमा चर्चा, लेखे ‘अचम्म’
- रविले सरकारको निर्णयमाथि प्रश्न उठाएपछि प्रधानमन्त्री बालेनको जवाफ : ‘देश बचाउने र पार्टी बचाउने कुरा फरक हो’
हाम्रो बारेमा
यो वेवसाइट Kathmandu Bulletin को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
सञ्चालक एवम् प्रबन्ध निर्देशक
सम्पादक : रिषि केश
पत्रकार : आयुष भुजेल
सन्चालक : बिकि यादव
विज्ञापन
Kathmandu Bulletin मा विज्ञापन गर्न फोन:- 9761929175 मा सम्पर्क गर्नुहोला ।
पत्रकार विवरण
रौतहट :
रोशन कुमार साह
+977-9703493232
बारा र पर्सा :
आर. के. भगत
+977-9712074681
सम्पर्क
📍 ठेगना: बिरगंज, पर्सा
☎ फोन: ९७६१९२९१७५
✉ ईमेल: kathmandubulletin.np@gmail.com
✸ सूचना बिभाग दर्ता नं : ५२५८–२०८२/२०८३