मुम्बई । बलिउड सुपरस्टार सलमान खानसँग अनुहार, हेयरस्टाइलदेखि शारीरिक बनोटसम्म मिलेको भन्दै एक युवा अहिले भारतीय सामाजिक सञ्जालमा चर्चाको केन्द्रमा छन्। उनी चर्चित फिल्म निर्माता साजिद नाडियाडवाला र उनकी पत्नी वर्धा खान नाडियाडवालाका कान्छा छोरा सुफयान नाडियाडवाला हुन्।
सुफयानका पछिल्ला तस्वीर तथा भिडियो सामाजिक सञ्जालमा सार्वजनिक भएपछि प्रयोगकर्ताहरूले उनलाई सलमान खानको ‘युवा रूप’ भन्दै तुलना गर्न थालेका छन्। विशेषगरी उनको अनुहारको बनोट, हेयरस्टाइल, शरीरको बनोट र हाउभाउ युवा अवस्थाका सलमानसँग मिलेको भन्दै विभिन्न प्रतिक्रिया आइरहेका छन्।
सुफयान र सलमानबीचको समानताको चर्चा भने अहिले मात्रै सुरु भएको होइन। अप्रिल २०२६ मा पनि सुफयानको एउटा भिडियो सामाजिक सञ्जालमा भाइरल भएको थियो। त्यसबेला उनलाई ‘९० को दशकका सलमान खान’ र ‘सलमानको यंगर भर्सन’ भन्दै प्रयोगकर्ताहरूले तुलना गरेका थिए।
सलमानकै अगाडि परे सुफयान
पछिल्लो समय सुफयानको चर्चा अझ बढ्नुको कारण उनको सलमान खानसँगै देखिएको तस्वीर र भिडियो हो।
मुम्बईमा आयोजित ‘प्रेम कीटाणु’ को स्क्रिनिङमा सुफयान आफ्ना बुबा साजिद नाडियाडवाला र आमा वर्धासँग पुगेका थिए। सोही कार्यक्रममा उनको भेट सलमान खानसँग भएको थियो।
सलमान र सुफयान एकै स्थानमा देखिएपछि सामाजिक सञ्जालमा उनीहरूको अनुहार मिल्ने विषयले थप चर्चा पाएको छ। केही प्रयोगकर्ताले भने सुफयानको अनुहार उनका पिता साजिद नाडियाडवालासँग बढी मिल्ने बताएका छन्। कतिपयले उनलाई अभिनेता विजय वर्मा तथा हलिउड अभिनेता टम हल्यान्डसँग समेत तुलना गरेका छन्।
को हुन् सुफयान नाडियाडवाला?
सुफयान बलिउडको चर्चित फिल्मी परिवारका सदस्य हुन्। उनका पिता साजिद नाडियाडवाला बलिउडका स्थापित निर्माता हुन्। ‘हाउसफुल’, ‘बागी’ र ‘किक’ जस्ता चर्चित फिल्मसँग उनको नाम जोडिएको छ।
सुफयानका दाजु सुभान नाडियाडवाला भने अभिनय क्षेत्रमा प्रवेश गर्ने तयारीमा रहेको बताइएको छ। भारतीय सञ्चारमाध्यमका अनुसार सुभान शशांक खेतानले निर्देशन गर्ने भनिएको ‘ऐसी दीवानगी’ मार्फत बलिउडमा डेब्यु गर्ने तयारीमा छन्।
सुफयानले भने तत्काल फिल्म क्षेत्रमा प्रवेश गर्ने योजना नरहेको बताइएको छ। त्यसैले अहिले उनको चर्चा अभिनय वा फिल्मका कारण नभई सलमान खानसँग मिल्दोजुल्दो अनुहारका कारण भइरहेको छ।
सलमान र साजिदको दशकौँ पुरानो सम्बन्ध
सुफयान र सलमान खानको अनुहार मिलेको विषयले थप चर्चा पाउनुको अर्को कारण सलमान र साजिद नाडियाडवालाबीचको लामो समयदेखिको मित्रता हो।
सलमान खान र साजिद नाडियाडवाला सन् १९९० को दशकदेखि नै निकट सम्बन्धमा रहेका छन्। उनीहरूको सम्बन्ध फिल्मी सहकार्यमा मात्र सीमित छैन।
साजिदले आफ्नी पत्नी वर्धासँग विवाह गर्दा निम्त्याएका सीमित अभिनेता पाहुनामध्ये सलमान खान पनि एक थिए। सलमानले विभिन्न अवसरमा साजिदलाई आफ्ना दाजुभाइसरह परिवारको सदस्यका रूपमा हेर्ने गरेको बताएका छन्।
साजिदले पनि सलमानसँगको सम्बन्धलाई सामान्य फिल्मी मित्रताभन्दा माथिको रूपमा व्याख्या गर्दै आएका छन्। यही पारिवारिक निकटताका कारण साजिदका छोरा सुफयान सलमानजस्तै देखिएको चर्चा बलिउड फ्यानहरूका लागि थप रोचक बनेको छ।
हाल सुफयानको तस्वीर तथा भिडियो सामाजिक सञ्जालमा तीव्र रूपमा शेयर भइरहेका छन् भने उनका बारेमा विभिन्न किसिमका प्रतिक्रिया पनि सार्वजनिक भइरहेका छन्।
काठमाडौं । नेपाली कांग्रेसको १५औँ महाधिवेशनको उद्घाटन समारोहमा कांग्रेस सभापति गगनकुमार थापाले प्रधानमन्त्री बालेन शाहको संसद् उपस्थितिलाई लिएर प्रश्न उठाएपछि प्रधानमन्त्री शाहले सामाजिक सञ्जालमार्फत व्यङ्ग्यात्मक जवाफ दिएका छन्।
आइतबार काठमाडौंको खुलामञ्चमा आयोजित नेपाली कांग्रेसको १५औँ महाधिवेशन उद्घाटन समारोहलाई सम्बोधन गर्दै सभापति थापाले संसद्, सरकार र राजनीतिक दलभित्र खुला बहस तथा प्रश्न गर्ने वातावरण आवश्यक रहेको बताएका थिए।
थापाले प्रधानमन्त्री शाह संसद्मा पर्याप्त रूपमा उपस्थित नहुने विषय उठाउँदै सरकारको नेतृत्व गर्ने व्यक्ति संसद्मा उपस्थित भएर जनप्रतिनिधिका प्रश्नको सामना गर्नुपर्ने धारणा राखेका थिए।
उनले संसद्को खुलापनको प्रसङ्ग जोड्दै राजनीतिक दल र संसद् दुवैमा फरक विचार तथा प्रश्नका लागि पर्याप्त स्थान हुनुपर्ने बताएका थिए।
थापाको उक्त अभिव्यक्तिपछि प्रधानमन्त्री शाहले सामाजिक सञ्जालमार्फत प्रतिक्रिया दिएका हुन्। शाहले लेखेका छन्, ‘धन्न खुला मञ्च राम्रो बनाइएछ, नयाँ पार्टीले कार्यक्रम गरेर गाली गर्न पाएका छन् !’
प्रधानमन्त्री शाहको यो अभिव्यक्तिलाई कांग्रेस महाधिवेशनमा आफूविरुद्ध गरिएको आलोचनाप्रतिको व्यङ्ग्यात्मक प्रतिक्रियाका रूपमा हेरिएको छ।
शाहले आफ्नो प्रतिक्रियामा काठमाडौं महानगरपालिकाको नेतृत्वमा रहँदा खुलामञ्च व्यवस्थित तथा सुधार गरिएको प्रसङ्गलाई समेत जोडेको देखिन्छ। कांग्रेसले सोही खुलामञ्चमा आफ्नो १५औँ महाधिवेशनको उद्घाटन समारोह आयोजना गरेको थियो।
महाधिवेशन उद्घाटनका क्रममा सभापति थापाले खुलामञ्चलाई राजनीतिक बहस र जनताको आवाज राख्ने महत्वपूर्ण सार्वजनिक थलोका रूपमा प्रस्तुत गरेका थिए। उनले संसद् र पार्टीभित्र समेत खुला रूपमा प्रश्न गर्न सकिने वातावरण आवश्यक रहेको बताएका थिए।
यसैबीच, थापाको अभिव्यक्तिपछि प्रधानमन्त्री शाहले सामाजिक सञ्जालमा दिएको छोटो प्रतिक्रियाले राजनीतिक वृत्तमा चर्चा पाएको छ। प्रधानमन्त्री र कांग्रेस सभापतिबीच सामाजिक सञ्जालमार्फत भएको यो व्यङ्ग्यात्मक संवादले सरकार र प्रमुख राजनीतिक शक्तिबीचको राजनीतिक बहसलाई थप सतहमा ल्याएको छ।
कांग्रेसको महाधिवेशनमा उठाइएको संसद्को भूमिका, प्रधानमन्त्रीको संसद् उपस्थिति र राजनीतिक दलभित्रको आन्तरिक लोकतन्त्र सम्बन्धी विषयमा आगामी दिनमा थप बहस हुने देखिएको छ।
राजन कुमार बानिया
पर्सा १८ असोज
पर्साको पकहा मैनपुर गाउँपालिका–३ स्थित सीमावर्ती क्षेत्रबाट भारतबाट अवैध रूपमा नेपालतर्फ ल्याइँदै गरेको १९८ गोटा गिरिराज जातका चल्ला सशस्त्र प्रहरीले बरामद गरेको छ।
सशस्त्र प्रहरी बल नेपाल, बोर्डर आउट पोस्ट पकहा मैनपुरबाट सशस्त्र प्रहरी नायब निरीक्षक पुष्प भण्डारीको कमाण्डमा खटिएको मोटरसाइकल गस्ती टोलीले दुई वटा साइकलमा ल्याउँदै गरेको अवस्थामा चल्ला बरामद गरेको हो।
बरामद चल्लाको अनुमानित मूल्य रु. १९ हजार ८ सय बराबर रहेको जनाइएको छ।
बरामद चल्लालाई स्थानीय जनप्रतिनिधि, पोल्ट्री व्यवसायी फर्मका प्रतिनिधि, पत्रकार, भन्सार कार्यालय तथा नेपाल प्रहरीको रोहवरमा खाल्डो खनी नष्ट गरिएको मुचुल्कामा उल्लेख छ।
सशस्त्र प्रहरीले सीमावर्ती क्षेत्रमा अवैध रूपमा हुने आयात–निर्यात नियन्त्रणका लागि निगरानी तथा गस्तीलाई निरन्तरता दिइरहेको जनाएको छ।
काठमाडौँ, १८ असोज । नेपाली कांग्रेसको १५औँ महाधिवेशन नजिकिँदै जाँदा केन्द्रीय नेतृत्वका लागि आकांक्षी नेताहरूले आफ्नो उम्मेदवारी घोषणा तथा दाबी प्रस्तुत गर्न थालेका छन्। यसै क्रममा मुस्लिम समुदायबाट सहराम राउत गद्दीले नेपाली कांग्रेसको केन्द्रीय सदस्य पदमा उम्मेदवारी दिने घोषणा गर्नुभएको छ।
पार्टीभित्र समावेशी प्रतिनिधित्व सुनिश्चित गर्ने, संगठनलाई थप सुदृढ र गतिशील बनाउने तथा मुस्लिम समुदायको राजनीतिक सहभागिता र नेतृत्व विकासलाई प्राथमिकतामा राख्दै गद्दीले आफ्नो उम्मेदवारी अघि सार्नुभएको हो।
गद्दीले नेपाली कांग्रेसको मूल आदर्श **‘राष्ट्रियता, लोकतन्त्र र समाजवाद’**लाई आफ्नो राजनीतिक मार्गदर्शनको आधार बनाउँदै पार्टी संगठनलाई अझ सुदृढ, जनमुखी र प्रभावकारी बनाउन सक्रिय भूमिका निर्वाह गर्ने प्रतिबद्धता व्यक्त गर्नुभएको छ।
कांग्रेसका संस्थापक तथा अग्रज नेताहरूले स्थापित गरेका लोकतान्त्रिक मूल्य, राजनीतिक आदर्श र संगठनात्मक संस्कारलाई निरन्तरता दिँदै पार्टीको केन्द्रीय तहमा मुस्लिम समुदायको आवाजलाई थप प्रभावकारी रूपमा स्थापित गर्ने आफ्नो मुख्य उद्देश्य रहेको उहाँको भनाइ छ।
नेपालको राजनीतिक, सामाजिक तथा लोकतान्त्रिक आन्दोलनमा मुस्लिम समुदायको महत्वपूर्ण योगदान रहँदै आए पनि पार्टीको केन्द्रीय नेतृत्वमा अपेक्षित प्रतिनिधित्व अझै सुनिश्चित हुन नसकेको गद्दीको धारणा छ। त्यसैले आफ्नो उम्मेदवारीलाई मुस्लिम समुदायको अधिकार, राजनीतिक पहुँच, प्रतिनिधित्व र नेतृत्व विकाससँग जोडेर हेर्नुपर्ने उहाँले बताउनुभएको छ।
उहाँले कांग्रेसभित्र सबै समुदाय, वर्ग, क्षेत्र र समूहको समान तथा सम्मानजनक सहभागिता आवश्यक रहेको उल्लेख गर्दै समावेशी कांग्रेस निर्माणका लागि केन्द्रीय समितिमा प्रभावकारी भूमिका निर्वाह गर्ने प्रतिबद्धता व्यक्त गर्नुभएको छ।
गद्दीले विशेषगरी मुस्लिम समुदायका युवालाई राजनीतिक मूलधारमा सक्रिय रूपमा सहभागी गराउँदै नेतृत्व तहमा स्थापित गर्ने वातावरण निर्माण गर्न आफूले पहल गर्ने बताउनुभएको छ। पार्टी संगठनको विस्तार, कार्यकर्ताको क्षमता विकास तथा जनतासँग कांग्रेसको सम्बन्धलाई थप मजबुत बनाउने विषयलाई पनि उहाँले प्राथमिकतामा राख्नुभएको छ।
महाधिवेशन प्रतिनिधिहरूसमक्ष आफ्नो उम्मेदवारी प्रस्तुत गर्दै गद्दीले आफूलाई व्यक्तिगत राजनीतिक आकांक्षाका रूपमा मात्र नभई मुस्लिम समुदायको राजनीतिक प्रतिनिधित्व र सशक्त आवाजको अभियानका रूपमा बुझिदिन आग्रह गर्नुभएको छ।
उहाँले नेपाली कांग्रेसको १५औँ महाधिवेशनका प्रतिनिधिहरूसँग आफूलाई अमूल्य मत प्रदान गरी विजयी गराउन अपिलसमेत गर्नुभएको छ।
गद्दीका प्रमुख राजनीतिक एजेन्डा
कांग्रेसभित्र मुस्लिम समुदायको सशक्त र प्रभावकारी प्रतिनिधित्व सुनिश्चित गर्ने।
पार्टी संगठनलाई सुदृढ, व्यवस्थित र विस्तार गर्ने।
सबै समुदाय, वर्ग, क्षेत्र र समूहको समान राजनीतिक सहभागिता सुनिश्चित गर्ने।
मुस्लिम समुदायका युवालाई राजनीतिक नेतृत्वमा स्थापित गर्न अवसर र वातावरण निर्माण गर्ने।
नेपाली कांग्रेसका मूल आदर्श राष्ट्रियता, लोकतन्त्र र समाजवादको संरक्षण र प्रवर्द्धन गर्ने।
कांग्रेसलाई थप समावेशी, जनमुखी, लोकतान्त्रिक र गतिशील पार्टीका रूपमा अघि बढाउने।
यससँगै सहराम राउत गद्दीको उम्मेदवारीले नेपाली कांग्रेसको १५औँ महाधिवेशनमा मुस्लिम समुदायको प्रतिनिधित्व र समावेशी नेतृत्वको बहसलाई थप केन्द्रमा ल्याएको देखिएको छ।
काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले प्रधानमन्त्री वालेन्द्र शाह ‘बालेन’ नेतृत्वको सरकार आगामी पाँच वर्षसम्म निरन्तर चल्ने बताएका छन्।
रास्वपाको केन्द्रीय समिति बैठकलाई सम्बोधन गर्दै लामिछानेले सरकारको नेतृत्व परिवर्तन नहुने स्पष्ट पारेका हुन्। उनले बालेनलाई पाँच वर्ष प्रधानमन्त्रीका रूपमा स्वीकार गर्न आफू तयार रहेको बताएका छन्।
बैठकमा लामिछानेले भनेका थिए, ‘ल्याप्चे नै लगाउनुपर्छ भने पनि म तयार छु। पाँच वर्ष प्रधानमन्त्री वालेन्द्र शाहकै नेतृत्वमा सरकार चल्छ।’ उनको भनाइ सार्वजनिक भएपछि रास्वपाभित्रको नेतृत्व र सत्ता समीकरणबारे चर्चा चुलिएको छ।
लामिछानेले सरकारसँग आफ्नो कुनै दूरी नरहेको उल्लेख गर्दै सरकार सही दिशामा अघि बढिरहेको दाबीसमेत गरेका छन्। उनले पार्टी संगठनलाई थप मजबुत बनाउन केन्द्रदेखि तल्लो तहसम्म सक्रिय हुन केन्द्रीय सदस्यहरूलाई निर्देशन दिएका छन्।
उनले पार्टीले ठूलो जनमत प्राप्त गरेको उल्लेख गर्दै जनताले गरेको अपेक्षा र विश्वास पूरा गर्न सरकारलाई आवश्यक सहयोग गर्नुपर्ने बताए। पार्टीभित्र अनुशासनलाई थप कडाइका साथ पालना गर्नसमेत उनले निर्देशन दिएका छन्।
बैठकमा रास्वपा उपसभापति तथा कानुन, न्याय तथा संसदीय मामिलामन्त्री सोविता गौतमले सरकारका कामकारबाहीबारे जानकारी गराएकी थिइन्।
बैठकमा केही केन्द्रीय सदस्यहरूले सरकारका कामकारबाही प्रभावकारी बनाउनुपर्ने धारणा राखेका थिए। साथै आगामी स्थानीय तहको निर्वाचनको तयारीलाई प्रभावकारी ढंगले अघि बढाउनुपर्ने विषयमा पनि छलफल भएको थियो।
हाम्रो बारेमा
यो वेवसाइट Kathmandu Bulletin को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
सञ्चालक एवम् प्रबन्ध निर्देशक
सम्पादक : रिषि केश
पत्रकार : आयुष भुजेल
सन्चालक : बिकि यादव
विज्ञापन
Kathmandu Bulletin मा विज्ञापन गर्न फोन:- 9761929175 मा सम्पर्क गर्नुहोला ।
पत्रकार विवरण
रौतहट :
रोशन कुमार साह
+977-9703493232
बारा र पर्सा :
आर. के. भगत
+977-9712074681
सम्पर्क
📍 ठेगना: बिरगंज, पर्सा
☎ फोन: ९७६१९२९१७५
✉ ईमेल: kathmandubulletin.np@gmail.com
✸ सूचना बिभाग दर्ता नं : ५२५८–२०८२/२०८३